Qalibaf: İsrail ilə növbəti savaş yeni cəbhələrin açılmasına səbəb olacaq

SON XƏBƏRLƏR

Qalibaf: İsrail ilə növbəti savaş yeni cəbhələrin açılmasına səbəb olacaq

2025.08.26, 14:33

İsraillə növbəti müharibə başlayarsa, İran hərbi təmkindən əl çəkəcək və yeni döyüş cəbhələri açacaq.

Gunaz.tv

Bunu İran parlamentinin spikeri Məhəmməd Baqir Qalibaf öz çıxışında deyib.

"Növbəti mümkün müharibədə təmkin nümayiş etdirməyəcəyik. Cavabımıza yeni coğrafi ərazilər və hədəflər əlavə olunacaq. Əgər düşmən yenidən həddini aşarsa, müharibə iqtisadi və siyasi arenalara da yayıla bilər." - deyə o bildirib.

Qalibaf iddia edib ki, İran ordusu iyun müharibəsindən dərs alıb, zəiflikləri aradan qaldırıb və daha güclü hərəkət etməyə hazırdır.

Qeyd edək ki, keçmiş İsrail kəşfiyyatçısı Jak Neriah İranla münaqişənin ikinci raundunun başlaya biləcəyini bildirmişdi.

Hər iki tərəf qarşıdurmaya hazırlaşdıqca hərbi ritorika sərtləşir

İranın müdafiə naziri Əziz Nəsirzadə ötən həftə Tehranın münaqişə zamanı istifadə edilənlərdən daha böyük imkanlara malik yeni nəsil raketlər hazırladığını bildirib.

O, Tehranda jurnalistlərə deyib: "12 günlük müharibədə istifadə etdiyimiz raketlər bir neçə il əvvəl hazırlanıb. Bu gün biz daha yaxşı imkanlara malik raketlərə sahibik və əgər sionist düşmən növbəti macəraya atılacaqsa, biz onlardan mütləq istifadə edəcəyik." - deyə o bildirib.

- Cəfər Cəfərli

GUNAZ.TV

SON XƏBƏRLƏR