Contact Us

SON XƏBƏRLƏR

"Euronews": Türkdilli ölkələr saxta xəbərlərlə mübarizədə birgə yanaşma axtarırlar

2025.12.08, 13:15
"Euronews": Türkdilli ölkələr saxta xəbərlərlə mübarizədə birgə yanaşma axtarırlar

Türkdilli ölkələr saxta xəbərlərlə mübarizədə birgə yanaşma axtarırlar.

Gunaz.tv

Bu barədə "Euronews" saytında dərc olunan məqalədə bildirilib.

Qeyd olunub ki, qlobal texnoloji platformalar milli qaydalardan effektiv şəkildə yan keçdiyi üçün türkdilli ölkələr saxta xəbərlərə qarşı koordinasiyalı yanaşma imkanlarını araşdırırlar. Belə ki, yalan məlumat və dezinformasiya bu gün həm Şərqə, həm də Qərbə təsir edən qlobal problemdir.

Qırğızıstan Respublikasının Mədəniyyət, İnformasiya və Gənclər Siyasəti Nazirliyinin İnformasiya Siyasəti Departamentinin baş mütəxəssisi Zarina Kalmuratova qeyd edib ki, dövlətlər beynəlxalq rəqəmsal platformalarda məlumatların yayılması miqyasına qarşı həssasdırlar.

"Bir çox platformalar var - YouTube, Instagram – orada vətəndaşlar da yalan məlumatlar yayırlar və dövlət bununla bağlı heç nə edə bilməz", o Euronews-a müsahibəsində deyib.

"Onun şərhi hökumətlər üçün əsas problemi vurğulayır: Məzmun bir ölkənin yurisdiksiyasından kənara çıxan qlobal platformalar vasitəsilə yayıldıqda milli qanunları necə tətbiq etmək olar. Qırğızıstanda bu məhdudiyyətlər xüsusilə kəskindir", məqalədə deyilir.

2022-ci ildə saxta xəbərlər haqqında qanunun qəbulundan sonra tənqidçilər sənədin ifadə azadlığını boğmaq üçün istifadə oluna biləcəyi barədə xəbərdarlıq ediblər. Lakin üç il sonra Bakıda mətbuat konfransında çıxış edən Z. Kalmuratova bu narahatlığın əsassız olduğunu bildirib.

"Hə, bu, bir məhdudiyyət kimi qəbul edildi. Sanki saytları bloklamaq və ya bağlamaq üçün bir vasitədir. Amma reallıqda bu, baş vermədi", - o vurğulayıb.

Qırğızıstanda mövcud qanuna görə, yalan məlumatdan zərər çəkdiyini düşünən vətəndaşlar aidiyyəti qurumlara müraciət edə bilərlər. Dövlət qurumları resursa 24 saat ərzində materialın silinməsi üçün sorğu göndərirlər. Tələblərə əməl edilməməsi veb-sayt iki aya qədər bloklanır. Kalmuratova bu tədbiri sərt deyil, balanslaşdırılmış adlandırır.

 

C

Açar Sözlər :

SEÇİLMİŞ XƏBƏRLƏR

Çox oxunanlar