Amerika-İran danışıqları çökür

SON XƏBƏRLƏR

Amerika-İran danışıqları çökür

2026.02.04, 21:43

Amerika İrana bildirib ki, cümə günü planlaşdırılan danışıqların yerini və formatını dəyişdirmək tələblərinə razı olmayacaq.

Gunaz.tv

Bu barədə iki Amerika rəsmisi "Axios"a bildirib.

Bu niyə vacibdir: Anlaşmazlıq diplomatik yolu bağlaya və Prezident Trampı hərbi əməliyyatlar seçməyə inandıra bilər.

Xatırladaq ki, Amerika və İran cümə günü İstanbulda görüşmək barədə razılığa gəlmişdilər. Digər Yaxın Şərq ölkələri isə görüşdə müşahidəçi qismində iştirak etməli idilər.

Lakin iranlılar bildiriblər ki, danışıqların yalnız nüvə məsələlərinə yönəlməsini və Amerika və region ölkələri üçün prioritet olan İranın raket proqramı kimi digər məsələlərin gündəmdən çıxarılması üçün danışıqları Omana köçürmək və ikitərəfli formatda keçirmək istəyirlər.

Amerika rəsmiləri yerin dəyişdirilməsi tələbini əvvəlcə nəzərdən keçiriblər, lakin çərşənbə günü təklifi rədd etmək qərarına gəliblər.

"Biz onlara dedik ki, ya bununla razılaşın, ya da heç nə (heç bir təklif) olmayacaq. Onlar isə cavabında, yaxşı, elə isə heç nə olmasın, dedilər." - Axios-a danışan rəsi bildirib.

Rəsmi şəxs bildirib ki, əgər iranlılar orijinal formata qayıtmağa hazırdırlarsa, Amerika bu həftə və ya gələn həftə görüşməyə hazırdır. Yüksək vəzifəli şəxs Trampın hərbi əməliyyatlarla bağlı təkrarlanan təhdidlərinə işarə edərək bildirib ki, "Biz tez bir zamanda real razılığa gəlmək istəyirik, əks halda başqa variantlara baxılacaq".

- Cəfər Cəfərli

GUNAZ.TV

SON XƏBƏRLƏR