Contact Us

SON XƏBƏRLƏR

İranın Azərbaycan kimliyinə qarşı represiyası - The Jerusalem Post

2026.02.18, 11:26
İranın Azərbaycan kimliyinə qarşı represiyası - The Jerusalem Post

Nüfuzlu "The Jerusalem Post" portalında "İranın Azərbaycan kimliyinə qarşı represiyası" başlığı ilə şərh yazısı dərc olunub.

Gunaz.tv

Məqalədə Güney Azərbaycan ictimai və siyasi qrupları tərəfindən yayılan iki sənəd barədə məlumat verilir. Bu sənədlərdə İran İslam Respublikasında azərbaycanlıların dili, mədəniyyəti və kimliyi üzərində sistemli təzyiqlər olduğu irəli sürülür.

Sənədlərdə bildirilir ki, İran dövlət siyasəti azərbaycanlıların hüquqlarını məhdudlaşdırır, onların ana dilində təhsil və mədəni fəaliyyətlərinə maneələr qoyur və azərbaycanlıların dinc mədəni fəaliyyətini cinayət sayır. Məqalədə qeyd edilir ki, azərbaycan türkcəsi rəsmi təhsil dili kimi qəbul edilmir, mədəni tədbirlər təzyiqə məruz qalır və ya bağlanır, bu isə azərbaycan kimliyinin sosial həyatda kənarlaşdırılmasına gətirib çıxarır.

Məqalədə qeyd olunan iki müraciətdə vurğulanır ki, İran hökuməti azərbaycanlıların ana dilində təhsil hüququnu tanımır və Azərbaycan türkcəsinin məktəblərdə, rəsmi qurumlarda və ictimai həyatda istifadəsini məhdudlaşdırır. Mədəni tədbirlər, dərnəklər və nəşrlər ciddi nəzarət altında saxlanılır, milli fəallar, ziyalılar və ictimai şəxslər tez-tez təqib olunur və həbs edilir. Bu siyasətin məqsədinin azərbaycan-türk kimliyini zəiflətmək, assimilyasiya etmək və milli şüuru sıradan çıxarmaq olduğu bildirilir. 

Müraciətlərdə həmçinin İranın bu siyasətinin insan hüquqlarının açıq şəkildə pozulması faktı olduğu qeyd edilir və ABŞ-la yanaşı beynəlxalq ictimaiyyət bu məsələyə laqeyd qalmamağa çağırılır. Milyonlarla azərbaycanlının dil, mədəniyyət və sosial hüquqlarının qorunması tələb edilir, İran hökumətinə qarşı diplomatik və siyasi təzyiqin artırılması istənilir.

Verilmiş müraciətlərdən biri ABŞ-ın prezidenti Donald Trampa ünvanlanıb və burada İran daxilində yaşayan milyonlarla azərbaycanlının hüquqlarının qorunması üçün beynəlxalq dəstək tələb olunur. Məqalədə azərbaycanlılara qarşı baş verən təzyiqlər yalnız İranın daxili problemi kimi deyil, həm də regionda insan hüquqları və sabitlik məsələləri ilə bağlı ciddi problem kimi təqdim edilir.

Qaynaq: https://www.jpost.com/opinion/article-886788

 

C

Açar Sözlər :

SEÇİLMİŞ XƏBƏRLƏR

Çox oxunanlar