Contact Us

SON XƏBƏRLƏR

Şələmçə İsrailin bombardmanı altında: Həşd karvanı qaçdı (video)

2026.04.04, 15:50
Şələmçə İsrailin bombardmanı altında: Həşd karvanı qaçdı (video)

Gunaz.tv

Bölgədə hərbi gərginliyin artdığı bir vaxtda, İsrailin Şələmçə sərhədində Həşdi Şabi qüvvələrinin karvanına hava zərbəsi endirdiyi və bu qüvvələrin geri çəkildiyi bildirilir.

Gunaz TV-nin məlumatına görə, sosial şəbəkə X-də yayılan paylaşımlar və bəzi İraq KİV-lərinin xəbərlərinə əsasən, şənbə günü 15 fərvərdin 1405 (4 aprel 2026) tarixində İsrail qırıcıları ABŞ ilə koalisiya çərçivəsində Şələmçə sərhəd-keçid məntəqəsindən İrana daxil olan Həşdi Şabi qüvvələrinin karvanını hədəf alıb.

Məlumatlara görə, bu hücum Həşdi Şabi qüvvələrinin geri çəkilməsinə və sərhəddən qaçmasına səbəb olub, həmçinin Şələmçə ticarət terminalının bəzi hissələri də zərbə altında qalıb.

Eyni zamanda, bəzi İraq KİV-lərinin yaydığı videolarda Həşdi Şabi karvanlarının İrana daxil olduqdan sonra hədəfə alındığı görünür.

Sosial mediada istifadəçilər bu hadisəyə geniş reaksiya veriblər. Həşdi Şabi “İrana bağlı terrorçu və proksi qüvvələr” kimi qiymətləndirilib.

İstifadəçilərdən biri X-də yazıb: «İsrail İrana gələn Həşdi Şabi karvanını Şələmçədə vurdu. Bu dəfə nə etsəniz də faydası yoxdur. Süqut yaxındır!»

Başqa bir istifadəçi yazıb: «İsrail ən yaxşısıdır, terrorçularla mübarizə apardığınız üçün təşəkkürlər. Yaşasın İsrail.»

Digər reaksiyada qeyd olunub: «Düzü, Həşdın gəlməsinə sevinirəm, indi ABŞ və İsrail üçün rahatlıqla alqışlaya bilərəm və onların atdığı hər bombaya sevinə bilərəm.»

Bu reaksiyalar İranda yaşayan insanların bir hissəsinin Həşdi Şabi qüvvələrinin varlığına qarşı dərin narazılığını göstərir. Bu qüvvələr tənqidçilər tərəfindən İran hakimiyyətinin repressiya aparatını gücləndirən vasitə kimi təqdim olunur.

Məlumatlara görə, Həşdi Şabi son günlər hərbi texnika ilə karvanlar şəklində İrana daxil olub və Əhvazda İran rəsmiləri tərəfindən qarşılanıb.

Şələmçə sərhədi İranın Sepah Qüds qüvvələri ilə Həşdi Şabi arasında mühüm logistika dəhlizi hesab olunur və onun hədəfə alınması bu qüvvələrin sahə fəaliyyətinə ciddi təsir göstərə bilər.

Hazırda bu hadisə sosial mediada geniş yayılıb və istifadəçilər bu xəbəri paylaşaraq hakimiyyətə bağlı qüvvələrin zəiflədiyini qeyd edir.

 

GünAzTV
R.G

Açar Sözlər :

SEÇİLMİŞ XƏBƏRLƏR

Çox oxunanlar