İran Hörmüz boğazında qoyduğu minaları özü tapa bilmir

SON XƏBƏRLƏR

İran Hörmüz boğazında qoyduğu minaları özü tapa bilmir

2026.04.11, 14:20

Tehran boğazı bağladı, amma açmağa gücü çatmır çünkü qoyduğu minalar itdi.

Gunaz.tv

Hörmüzda nə baş verir? İran çıxılmaz vəziyyətdədir، öz minalarını belə tapa bilmir ! “New York Times” ABŞ rəsmilərinə istinadən yazır ki, İran Hörmüz boğazında yerləşdirdiyi minaları tam aşkar edib zərərsizləşdirməkdə aciz qaldığı üçün bu strateji su yolunu geniş gəmi hərəkəti üçün tez bir zamanda aça bilmir.

Məlumata görə, Tehran ötən ay ABŞ və İsraillə qarşıdurmanın başlamasından sonra kiçik qayıqlardan istifadə edərək boğazda mina yerləşdirməyə başlayıb; bu addım raket və pilotsuz aparat hücumları ilə bağlı təhdidlərlə birlikdə neft tankerlərinin keçidini ciddi şəkildə azaldıb və enerji qiymətlərini artırıb.

Qəzet yazır ki, İran rüsum ödəyən gəmilər üçün məhdud bir marşrut açıq saxlayıb, lakin minaların nizamsız şəkildə səpələnməsi və onların dəqiq qeydə alınmaması səbəbindən indi onları tapmaq və toplamaq ciddi problemə çevrilib.

ABŞ rəsmilərinin sözlərinə görə, bəzi minalar elə yerləşdirilib ki, onların yerini dəyişmək mümkündür və bu da vəziyyəti daha da təhlükəli edir.

“New York Times” əlavə edir ki, bu vəziyyət Tehranla Vaşinqton arasında gözlənilən danışıqları daha da mürəkkəbləşdirə bilər; belə ki, Donald Trump Hörmüz boğazının “tam, dərhal və təhlükəsiz” açılmasını atəşkəs üçün əsas şərt kimi irəli sürüb.

Günaz TV
R.G

GUNAZ.TV

SON XƏBƏRLƏR