ABŞ-dan İran ətrafında böyük hərbi addım

SON XƏBƏRLƏR

ABŞ-dan İran ətrafında böyük hərbi addım

2026.04.13, 22:00

ABŞ İranı mühasirəyə almaq üçün 15-dən çox hərbi gəmi yerləşdirdi.

Gunaz.tv

Gunaz.tv-nin məlumatına görə; “The Wall Street Journal” ABŞ-ın İran ətrafında dəniz blokadasını dəstəkləmək məqsədilə 15-dən çox hərbi gəmini Ərəb körfəzi bölgəsində yerləşdirdiyini bildirib.

Məlumata əsasən, bu blokada Tehran və Vaşinqton arasında nəticəsiz başa çatan danışıqlardan sonra həyata keçirilib və ABŞ qüvvələri hazırda tam əməliyyat vəziyyətindədir.

Böyük Britaniyanın Dəniz Ticarətinin Koordinasiya Mərkəzi də bazar ertəsi axşam açıqlayıb ki, İran limanları və sahilləri üçün Ərəb körfəzi, Oman dənizi və Ərəb dənizinin bəzi hissələrində dəniz girişinə məhdudiyyətlər tətbiq olunub.

Eyni zamanda ABŞ prezidenti Donald Tramp bəyan edib ki, İranın sürətli qayıqlarının blokada zonasına yaxınlaşması sərt cavabla qarşılanacaq.

O vurğulayıb: “Bu qayıqlar dənizdə narkotik qaçaqmalçılarına qarşı istifadə olunan eyni öldürücü sistemlərlə hədəfə alınacaq.”

Bu addımlar danışıqların iflası və bölgədə gərginliyin artdığı bir vaxtda atılır; vəziyyətin daha da kəskinləşməsi genişmiqyaslı qarşıdurma riskini artırır.

Günaz TV
R.G

GUNAZ.TV

SON XƏBƏRLƏR