ABŞ blokadası Hörmüz boğazı qarşıdurması fonunda İranın neft sektorunu sıxışdırır

SON XƏBƏRLƏR

ABŞ blokadası Hörmüz boğazı qarşıdurması fonunda İranın neft sektorunu sıxışdırır

2026.04.30, 12:41

"Associated Press"də paylşılan araşdırmaya görə, ABŞ-ın dəniz blokadası İranın xam neft ixrac imkanlarını məhdudlaşdırdığı üçün ölkənin əsas neft sektoru artan təzyiq altında qalıb.

Gunaz.tv

İranın özünün də Hörmüz boğazında gəmi hərəkətinə maneələr yaratmasına baxmayaraq, ölkə indi neftini xaricə çıxarmaqda çətinlik çəkir. Tankerlərin yola düşə bilməməsi və anbarların dolması fonunda mütəxəssislər xəbərdarlıq edir ki, İran yaxın həftələrdə bəzi yataqlarda hasilatı azaltmağa və ya tam dayandırmağa məcbur qala bilər.

Münaqişədən əvvəl İran gündə 3 milyon bareldən çox neft hasil edirdi, lakin blokada ixracı kəskin şəkildə azaldaraq iqtisadiyyatı əsas gəlir mənbəyindən məhrum edib. Bu isə müharibə, daxili gərginlik və uzunmüddətli sanksiyalarla zəifləyən iqtisadiyyata əlavə zərbə vurur.

Vəziyyət qlobal təsirlər də yaradır. Bölgədən çıxan yüklərin azalması və daşınma marşrutlarının pozulması enerji bazarlarını kiçildir, bəzi yerlərdə yanacaq, o cümlədən aviasiya yanacağı qiymətlərinin artmasına və çatışmazlıqlara səbəb olur.

Analitiklər bildirir ki, böhran İranın köhnəlmiş neft infrastrukturuna uzunmüddətli təsir göstərə bilər. Belə ki, quyuların bağlanması onların daimi zədələnməsi və yenidən işə salınmasının bahalı olması riskini yaradır. Eyni zamanda, Vaşinqton ilə Tehran arasındakı qarşıdurma qlobal enerji təchizatını gərginləşdirməyə və iqtisadi qeyri-müəyyənliyi artırmağa davam edir.

- Cəfər Cəfərli

GUNAZ.TV

SON XƏBƏRLƏR