Guardian: İran demək olar ki, hər gün gizli edamlar həyata keçirir

SON XƏBƏRLƏR

Guardian: İran demək olar ki, hər gün gizli edamlar həyata keçirir

2026.05.08, 11:14

The Guardian qəzetinin hüquq müdafiə təşkilatlarına və məhbus ailələrinə yaxın mənbələrə istinadən yaydığı məlumata görə, İranda demək olar ki, hər gün gizli şəkildə edamlar həyata keçirilir.

Gunaz.tv

Bəzi hallarda ailələrə yaxınlarının öldürüldüyü yalnız edamdan sonra bildirilir, hətta bəzi ailələrə cəsədləri təhvil almağa da icazə verilmir.

Hesabatda qeyd olunur ki, Norveçdə yerləşən İran İnsan Haqları təşkilatının məlumatına əsasən, mart ayından bəri ən azı 24 nəfər edam edilib. Onlardan 6 nəfəri iki gün ərzində edam olunub.

Məlumata görə, yanvar ayında baş verən hökumət əleyhinə etirazlarla əlaqədar həbs edilən yüzlərlə şəxsin, eləcə də ABŞ və İsraillə müharibə dövründə casusluqda ittiham olunan məhbusların ölüm hökmü ilə üzləşə biləcəyi ilə bağlı narahatlıqlar artıb.

Hüquq müdafiəçiləri bildirirlər ki, artıq üçüncü ayına daxil olan internet məhdudiyyətləri ailələrin, fəalların və vəkillərin ölkə daxilindəki insanlarla əlaqə saxlamasını və edamlarla bağlı məlumat toplamasını çətinləşdirib.

Hüquq müdafiə təşkilatları işgəncə və məcburi etiraflarla bağlı iddiaların da olduğunu bildiriblər.

Məşhəddən olan bir mənbə Guardian-a bildirib ki, edam edilən etirazçıların ailələrinə əvvəlcə yaxınlarının həyatını xilas etmək ümidi ilə, sonradan isə cəsədlərini təhvil almaq üçün susmaları barədə təzyiq göstərilir.

Hüquq müdafiəçiləri xəbərdarlıq ediblər ki, müharibə fonunda İranın ölüm hökmündən istifadəsi beynəlxalq diqqətdən kənarda qalır və bu, hakimiyyətə repressiyaları daha da gücləndirmək imkanı verir.

GUNAZ.TV

SON XƏBƏRLƏR