Britaniya Hörmüz boğazında müharibəyə hazırlaşır

SON XƏBƏRLƏR

Britaniya Hörmüz boğazında müharibəyə hazırlaşır

2026.05.09, 17:59

Britaniya qabaqcıl “HMS Dragon” esminesini Yaxın Şərqə göndərir

Gunaz.tv

Gunaz.tv xəbər verir ki, Böyük Britaniyanın Müdafiə Nazirliyi şənbə günü ölkənin Hörmüz boğazında gəmiçiliyin təhlükəsizliyini təmin etmək məqsədilə beynəlxalq missiyadan əvvəl “HMS Dragon” adlı qabaqcıl esminesi Yaxın Şərqə göndərəcəyini açıqlayıb.

Britaniya Müdafiə Nazirliyinin sözçüsü AFP agentliyinə deyib: “HMS Dragon esminesinin əvvəlcədən bölgəyə yerləşdirilməsi ehtiyatlı planlamanın bir hissəsidir və Britaniyanın Fransa ilə birgə rəhbərlik etdiyi çoxtərəfli koalisiyanın tərkibində lazımi vaxtda boğazın təhlükəsizliyini təmin etməyə hazır olacağını göstərir.”

London və Paris bir neçə həftə əvvəl Hörmüz boğazının təhlükəsizliyi və bu strateji keçid vasitəsilə dünya ticarətinin davam etdirilməsi üçün ortaq hərbi planlar üzərində işlədiklərini açıqlamışdılar.

Britaniya Müdafiə Nazirliyi bildirib ki, “HMS Dragon”un bölgəyə göndərilməsi ticarət gəmilərinin etimadını artıracaq və qarşıdurmalar bitdikdən sonra dəniz minalarının təmizlənməsi əməliyyatlarına dəstək verəcək.

“HMS Dragon” Britaniya Kral Donanmasının ən müasir hava hücumundan müdafiə esmineslərindən biri hesab olunur. Gəminin əsas sistemi “Sea Viper” raket müdafiə kompleksidir. Bu sistem səs sürətindən üç dəfə daha sürətli hərəkət edən və kriket topu ölçüsündə olan hədəfləri aşkar edib məhv edə bilir.

GünAzTV
R.G

GUNAZ.TV

SON XƏBƏRLƏR