Səudiyyə KİV: İranın Hörmüz rüsum sistemi Səudiyyə-Çin neft ticarətini hədəfə alır

SON XƏBƏRLƏR

Səudiyyə KİV: İranın Hörmüz rüsum sistemi Səudiyyə-Çin neft ticarətini hədəfə alır

2026.05.30, 10:50

Səudiyyə Ərəbistanına yönəlmiş geosiyasi təhlil və kəşfiyyat platforması olan "House of Saud" İranın müharibə dövründə Hörmüz boğazının idarə olunması çərçivəsində tətbiq etdiyi mərhələli giriş sistemi Səudiyyə neft ixracı üzərində təzyiq yaratmaq məqsədi daşıdığını bildirib

Gunaz.tv

Nəşrin məlumatına görə, İranın “Ərəb Körfəzi Boğazı İdarəsi” Çinlə əlaqəli gəmilərdən Səudiyyə neftini Hörmüz boğazından keçirmək üçün hər tranzitə görə 2 milyon dollara qədər ödəniş tələb edir. Hindistan bayrağı altında üzən tankerlərə isə ikitərəfli razılaşma əsasında pulsuz keçid imkanı verilir.

Təhlildə qeyd olunur ki, bu sistem Hörmüz boğazının tam bağlanması deyil, üçpilləli idarə olunan keçid rejimidir:

- Hindistan, İraq və Pakistan kimi ölkələr üçün istisnalar;
- Çinlə əlaqəli operatorlar üçün rüsumlar;
- Tələblərə əməl etməyən gəmilər üçün icra və cəza tədbirləri.

"House of Saud" bu siyasətin əsas təsirinin Səudiyyə Ərəbistanının Çinlə neft ticarətinə olduğunu bildirib. Bazar məlumatlarına əsasən, müharibə başlayandan bəri Səudiyyə neftinin Çinə ixracı 60 faizdən çox azalıb.

Hesabatda Səudiyyə Ərəbistanının Hindistana göndərilən neftin böyük hissəsinin Şərq-Qərb Boru Kəməri vasitəsilə Yanbu şəhərindəki Qırmızı dəniz terminalına yönləndirildiyi və bununla da həmin ticarətdə Hörmüzdən asılılığın azaldıldığı qeyd edilib.

GUNAZ.TV

SON XƏBƏRLƏR