SEPAH Böyük Britaniyanın milli təhlükəsizliyinə təhdiddir- London

SON XƏBƏRLƏR

SEPAH Böyük Britaniyanın milli təhlükəsizliyinə təhdiddir- London

2026.07.17, 16:23

Böyük Britaniya SEPAH-I rəsmi olaraq ölkənin milli təhlükəsizliyinə təhdid olaraq tanıyıb.

Gunaz.tv

Rəsmi London bildirib ki, İslam İnqilabı Keşikçiləri Korpusunu (SEPAH) 2026-cı il “Milli Təhlükəsizlik Qanunu” əsasında rəsmi olaraq ölkənin milli təhlükəsizliyinə təhdid kimi tanıyıb və qadağan olunmuş təşkilatlar siyahısına daxil edib. Bu qərar Böyük Britaniya parlamentinin təsdiqindən sonra qüvvəyə minib.

Qanuna əsasən, SEPAH-a dəstək ifadə etmək, o cümlədən Böyük Britaniya hökumətinin ölkənin təhlükəsizliyinə təhdid hesab etdiyi fəaliyyətlərini tərifləmək və ya təşviq etmək cinayət sayılır. Buna görə 14 ilədək azadlıqdan məhrumetmə cəzası tətbiq oluna bilər.

Həmçinin SEPAH-a maddi yardım göstərmək və ya bu qurumdan hər hansı maddi mənfəət, o cümlədən pul almaq da cinayət məsuliyyəti yaradır və oxşar cəzalar nəzərdə tutulur.

Böyük Britaniya hökuməti əlavə edib ki, SEPAH adından sabotaj və ya digər düşmən xarakterli fəaliyyətlər həyata keçirən şəxslər 2023-cü il Milli Təhlükəsizlik Qanunu əsasında da cinayət məsuliyyətinə cəlb oluna bilərlər. Bu qanun üzrə bəzi cinayətlərə görə ömürlük həbs cəzası nəzərdə tutulur.

Bir neçə gün əvvəl isə öyük Britaniya Xarici İşlər Nazirliyi İranın müvəqqəti işlər vəkili Əli Nəsimfəri çağırıb.

“Xarici işlər nazirinin tapşırığı ilə bu gün İran İslam Respublikasının Böyük Britaniyadakı müvəqqəti işlər vəkili nazirliyə çağırılıb. Cənab Nəsimfər SEPAH-ın “əl-Qüds” qüvvələrinin mart-may ayları ərzində Avropada baş vermiş bir sıra hücumun əlaqələndirilməsindəki roluna görə nazirliyə çağırılıb”, - nazirliyin yaydığı bəyanatda deyilib.

Qeyd olunub ki, SEPAH-ın fəaliyyəti Böyük Britaniya və onun müttəfiqlərinin təhlükəsizliyini sarsıtmağa yönəlib.

Xatırladaq ki, iyulun 13-də Birləşmiş Krallıq SEPAH-ı qadağan olunmuş təşkilat elan edib.

GünAzTV

GUNAZ.TV

SON XƏBƏRLƏR