Contact Us

SON XƏBƏRLƏR

İran rəhbərliyi Müctəba Xameneinin səhhətinin ağırlaşmasından narahatdır

2026.08.07, 13:41
İran rəhbərliyi Müctəba Xameneinin səhhətinin ağırlaşmasından narahatdır

Pezeşkian administrasiyasına yaxın iki mənbənin bildirdiyinə görə, Müctəba Xamenei fevralın 28-də ABŞ-ın Ali Liderin iqamətgahına endirdiyi zərbə nəticəsində atası və ailəsinin digər üzvlərinin öldürülməsindən sonra indiyədək Nazirlər Kabinetinin heç bir üzvü ilə görüşməyib.

Gunaz.tv

Hər iki mənbənin sözlərinə görə, rejimin ən yüksək dairələrində Müctəba Xameneinin vəziyyətinin son dərəcə ağır olduğu və hər an vəfat edə biləcəyi barədə şayiələr geniş yayılıb.

Müctəba Xamenei ali rəhbər vəzifəsini üzərinə götürdükdən sonra ictimaiyyət qarşısına çıxmayıb və heç bir çıxış etməyib. İndiyədək yalnız ona aid olduğu bildirilən bir neçə məktub rəsmi xəbər agentlikləri tərəfindən yayımlanıb. Onun uzun müddətdir görünməməsi İslam Respublikasının üçüncü Ali Liderinin səhhəti və həyatda olub-olmaması ilə bağlı fərziyyələri daha da gücləndirib.

Pezeşkian hökumətinə yaxın bir mənbə Nazirlər Kabinetinin heç bir üzvünün indiyədək Müctəba Xamenei ilə görüşmədiyini təsdiqləyərək bildirib ki, onun fiziki vəziyyəti ağırdır.

"Yaxın vaxtlarda onun şəhid olması xəbəri gəlsə, buna təəccüblənmərik," – deyə mənbə bildirib.

 

C

Açar Sözlər :

SEÇİLMİŞ XƏBƏRLƏR

Çox oxunanlar