Contact Us

SON XƏBƏRLƏR

Urmu gölünün sahilləri zibilliyə çevrilir

2026.08.17, 22:43
Urmu gölünün sahilləri zibilliyə çevrilir

Urmu gölünə suyun qayıtması zibil yığınının və turizm imkanlarının olmaması ilə müşayiət olunur.

Gunaz.tv

Urmu gölü illərdir davam edən quruma və su çatışmazlığı böhranından sonra İranda yağıntıların artması ilə suyun və həyatın geri qayıtdığına dair əlamətlər göstərir. Lakin suyun artması ilə yanaşı, məsul şəxslərin gölün sahillərinə laqeyd yanaşması yeni problem yaradıb.

İranın İRNA xəbər agentliyi bazar ertəsi gölün sahillərindən, xüsusilə “Keçid körpüsü” ərazisindən, əhəmiyyətli miqdarda atılmış zibilin göründüyü fotolar yayıb.

Gölün ətrafında zibil qutularının, müntəzəm təmizlik işlərinin və turistlər üçün lazımi imkanların olmaması bu ekosistemin vəziyyətində ciddi ziddiyyət yaradır. İllərdir quruma təhlükəsindən xilas edilməsi və suyunun geri qaytarılması üçün səylər göstərilən göl indi də məsul şəxslərin laqeydliyi davam edərsə, çirklənmə və zibil yığınının yaratdığı yeni təhlükə ilə üz-üzə qala bilər.

Bu vəziyyət həmçinin Urmu gölünün sahillərinə gələn turistlərin sayının artmasına baxmayaraq, ətraf mühitin qorunması və ziyarətçilərə xidmət göstərilməsi üçün ilkin infrastrukturun yaradılmadığını göstərir.

 

GünAz TV
R.G

Açar Sözlər :

SEÇİLMİŞ XƏBƏRLƏR

Çox oxunanlar