200 gəmi Hörmüz boğazından keçib

SON XƏBƏRLƏR

200 gəmi Hörmüz boğazından keçib

2026.08.23, 14:43

Gunaz.tv

Britaniyanın Dəniz Ticarət Əməliyyatları qurumunun məlumatlarına istinad edən “New York Post” qəzetinin şənbə günü yaydığı xəbərə görə, ötən həftə təxminən 200 gəmi Hörmüz boğazından keçib.

Qəzetin məlumatına görə, ötən həftə 103 gəmi Hörmüz boğazına daxil olub, daha 89 gəmi isə boğazdan çıxıb. Beləliklə, bir həftə ərzində boğazdan keçən gəmilərin sayı təxminən 200-ə çatıb. İki həftə əvvəl isə bu rəqəm cəmi 40 gəmi olub.

Qəzet həmçinin bildirib ki, ötən həftə 5 gəmi İranın hücumlarına məruz qalıb. ABŞ isə bu strateji əhəmiyyətli keçiddə kommersiya gəmiçiliyinə dəstəyini davam etdirir.

ABŞ və İsrailin fevralın 28-də İrana qarşı hücumlara başlamasından əvvəl dünya üzrə neft və mayeləşdirilmiş təbii qaz tədarükünün təxminən beşdə biri Hörmüz boğazından keçirdi.

ABŞ və İran aprel və iyun aylarında iki dəfə atəşkəs razılaşması əldə etdiklərini açıqlayıblar. Bu razılaşmaların məqsədi Hörmüz boğazında gəmiçiliyin azadlığını bərpa etmək və təxminən altı aydır davam edən qarşıdurmaya son qoymaq istiqamətində addım atmaq idi. Lakin hər iki razılaşma qısa müddət ərzində pozulub.

GÜNAZ TV
R.G

GUNAZ.TV

SON XƏBƏRLƏR