Gürcüstan Avroviziya-da Putin haqqında oxuyacaq

SON XƏBƏRLƏR

Gürcüstan Avroviziya-da Putin haqqında oxuyacaq

2021.10.20, 07:36

Gunaz.tv

Gürcüstan Avroviziya-da Putin haqqında oxuyacaq

Gürcüstanı Avroviziyada təmsil edəcək mahnı Rusiyanın qəzəbli reaksiyasına səbəb ola bilər - həmin mahnıda səslənən "We dont wanna Put in" sözləri İngiliscə bir məna daşısa da, eyni zamanda, "Biz Putini istəmirik" kimi yozula bilər. Belə ki, Stefane and 3 Girls qrupunun ifa edəcək mahnısı Moskvada, böyük rus və avropa auditoriyası qarşısında səslənəcək. Avqust müharibəsindən sonra Rusiya-Gürcüstan münasibətləri gərgin olaraq qalır. BBC qrupun prodüseri Kaxa Tsiskaridzedən Avroviziya müsabiqəsi üçün niyə məhz bu mahnının seçildiyini xəbər aldı: Niyə bu mahnını seçmişik? Bu çox oynaq bir mahnıdır. Dərhal yadda qalır və dinləyən onu oxuya bilir.Ritmi çox şəndir, bayram əhvalı yaradır. İfaçıların səsləri də çox xoşagəlimlidir. Sual: Lakin mahnının sözlərini ingiliscə oxuyanda, rus qulağına bu biz Putini istəmirik kimi səslənir. Yəqin Putinin Rusiyadakı tərəfdarları üçün bu mahnı o qədər də rəğbət oyadan olmayacaq. Siz nəyi nəzərdə tutursunuz? Biz burada siyasətə diqqət çəkmək istəmirik.Heç kimin xətrinə dəymək istəmirik. Həm də mən özüm gəncliyimdə Moskvada yaşamışam.Mənim və bu layihədə iştirak edənlərin Rusiyada çoxlu dostu var. Bu mahnının siyasətə heç bir aidiyyatı yoxdur. Sual: Lakin mətbuata nəzər salsanız, görərsiniz ki, Rusiyada bəziləri bu mahnı ilə məhz Putinə eyham vurulduğu qənaətindədir? İnsan musiqiyə qulaq asanda,onun təxəyyülündə hansısa obraz yarana bilər. Kimsə nəsə düşünə bilər, amma biz bunu siyasi bir məqam kimi təqdim etmək istəməzdik. Biz musiqiçilərik, əsas məqsədimiz yaxşı çıxış etməkdir. Əgər kimsə buna siyasi don geyindirmək istəyirsə, bu başqa məsələ.İstəməzdik ki, bu bizə qarşı etirazlara səbəb olsun. Biz uzun əsrlər dost olmuşuq, indi də dostlarımız var. Baş verənlər bizi incidir. Bizim inciməyə də haqqımız var. Şəhərlərimiz bombalayıblar, adamlarımız ölüb. Bu bizim üçün böyük ağrıdır. Sual: Siz dediniz ki, əsası müsabiqədə yaxşı nəticə əldə etməkdir. Amma o da məlumdur ki, Avroviziyada ölkələr çox zaman siyasi maraqlarından, yaxınlıqlarından asılı olaraq səs verirlər. Siz bu mahnı ilə, özünüzü rusların, belarusların, Ukrayna əhalisinin bir hissəsinin, Balkan tamaşaçılarının səslərindən məhrum etməssiniz ki? Bu artıq onların öz işidir. Biz ilk növbədə yaxşı çıxış etmək haqqında düşünürük. Avroviziyanın bizə verdiyi hüquqlar çərçivəsində yadda qalan şou göstərəcəyik. Biz ümid edirik ki, Rusiyada bizə kifayət qədər xal verəcək.

GUNAZ.TV

SON XƏBƏRLƏR