Contact Us

SON XƏBƏRLƏR

Türkiyədə yaşayan 500 erməni ölkənin baş naziri Rəcəb Tayyib Ərdoğana müraciət edib

2021.10.20, 07:36
Türkiyədə yaşayan 500 erməni ölkənin baş naziri Rəcəb Tayyib Ərdoğana müraciət edib

Gunaz.tv
Türkiyədə yaşayan 500 erməni ölkənin baş naziri Rəcəb Tayyib Ərdoğana müraciət edib sarigelin.jpg Türkiyədə yaşayan bir qrup erməni baş nazir Rəcəb Tayyib Ərdoğana müraciət ünvanlayaraq, Təhsil Nazirliyinin əmri ilə məktəblərdə nümayiş olunan “Sarı gəlin” sənədli filminin erməni məktəblərində göstərilməməsini xahiş edib. Qeyd edək ki, bir müddətdir Türkiyənin orta məktəblərində şagirdlərə “Sarı gəlin – erməni probleminin iç üzü” adlı sənədli film nümayiş olunurdu. Ermənilərin qondarma soyqırımı iddialarına qarşı türk tezisini müdafiə edən sənədli filmdə erməni silahlılarının 1915-ci ildə türklərin yaşadıqları kəndlərə hücum edərək burada yaşayan əhalini öldürməsi, insanlara işgəncə verməsi və kəndləri yandırmasından bəhs edilir. Sənədli film Təhsil nazirliyinin əmri ilə 25 iyun 2008-ci ildən etibarən erməni məktəblərinin də daxil olduğu bütün ölkə məktəblərində nümayiş olunub. Ötən ay isə Təhsil Nazirliyi bütün məktəblərə bildiriş göndərərək, sənədli filmin məktəblərdə nümayişinə dair hesabat istəyib və bu sənədin fevralın 27-də iş gününün sonunadək Təhsil Nazirliyinə çatdırılmasını tələb edib. Türkiyədə yaşayan təxminən 500 erməni və ziyalı Baş nazir Rəcəb Tayyib Ərdoğana məktub yazaraq, bu filmin türk və erməni ictimaiyyəti arasında onsuz da mövcud olan problemləri bir az da çətinləşdirəcəyini bildiriblər: “Sənədli filmə baxdığımız vaxt görürük ki, bu film tarixi məlumatlar vermək əvəzinə zorakılıq və bölücülüyü şiddətləndirəcək, ictimaiyyətdə erməni düşmənçiliyini daha da çoxaldacaq. Hörmətli baş nazir, bu işdə ən böyük zərəri türk dostları ilə birlikdə təhsil alan erməni şagirdlər görəcək. Sinifdə bütün şagirdlər bi filmə baxarkən hamının diqqətinin bir uşağa yönəlməsi o şagirdin psixologiyasında necə fəsadlara yol açacağını görməyən bilməz. Bu film nümayiş olunduğu zaman erməni şagirdlərə bu dərsə girməməyə izn verməyinizi xahiş edirik”.

SEÇİLMİŞ XƏBƏRLƏR

Çox oxunanlar