KOSOVO 1 İL SONRA (Əyaləti müstəqil dövlət kimi tanıyan və tanımayan ölkələrin siyahısı) Serbiya əyaləti Kosovonun müstəqil dövlət elan olunmasından 1 il ötür. «Media forum» saytı bununla bağlı qısa tarixi arayışı və Kosovonu müstəqil dövlət kimi tanımış, tanımaqdan imtina edən və hələ qərar verməmiş (tərəddüd eləyən) ölkələrin siyahısını oxucuların diqqətinə çatdırır. 1999-cu ildən Serbiyanın nəzarətindən çıxarılaraq BMT-nin himayəsində olan Kosovonun statusuyla bağlı danışıqlar 2008-ci ilin əvvəlində tam dalana dirənmişdi. Diyar əhalisinin 90 faizini təşkil edən albanlar müstəqillikdə, etnik azlıq serblərsə Serbiya daxilində muxtariyyətdə israrlıydılar. BMT-nin ekspert qrupu Kosovoya qismən müstəqillik verilməsi təklifini irəli sürsə də, Sebiyanın əsas müttəfiqi Rusiya ABŞ və Avropa Birliyinin bəyəndiyi bu planı qətiyyətlə rədd etmişdi. 2008-ci il fevralın 17-də əyalətin parlamenti müstəqillik bəyannaməsini təsdiqlədi. Bu qərardan dərhal sonra ABŞ və bəzi Avropa dövlətləri Kosovonun müstəqilliyini tanıdılar. Ancaq dünya birliyinin bu məsələdə rəyi haçalandı. Kosovonun müstəqilliyinə ilk etirazlardan biri Bakıdan – Azərbaycanın paytaxtından gəldi. Fevralın 17-də brifinq keçirən Xarici İşlər Nazirliyinin sözçüsü Xəzər İbrahim dövlətin mövqeyini belə açıqladı: «Kosovonun müstəqilliyini elan etməsi beynəlxalq hüquq normalarına zidd və qanunsuzdur». Bunun ardınca – fevralın 26-da prezident İlham Əliyev Azərbaycan sülhməramlılarının Kosovodan geri çağırılması üçün Milli Məclisə müraciət göndərdi. Kosovoda Türkiyə taborunun tərkibində fəaliyyət göstərən 34 nəfərlik sülhməramlı Azərbaycan taqımı Milli Məclisin martın 4-də keçirilən iclasının qərarıyıla geri çağırıldı. 87 nəfər Azərbaycan sülhməramlılarının Kosovodan çıxarılmasının lehinə, 3 nəfər əleyhinə səs verdi, 2 nəfər bitərəf qaldı. Aprelin 15-də taqım Azərbaycana qayıtdı. Kosovonu müstətil dövlət kimi tanıyan dövlətlər (siyahı tanıma ardıcıllığına əsasən ilə verilib): Əfqanıstan Kosta-Rika Albaniya Fransa Turkiyə ABŞ Böyük Britaniya Avstraliya Seneqal Latviya Almaniya Estoniya İtaliya Danimarka Lüksemburq Peru Bellçika Polşa İsveçrə Avstriya İrlandiya İsveç Niderland İslandiya Sloveniya Finlandiya Yaponiya Kanada Monako Macarıstan Xorvatiya Bolqarıstan Lixtenşteyn Cənubi Koreya Norveç Marşall adaları Nauru Burkina Faso Litva San-Marino Çexiya Liberiya Syerra-Leone Kolumbiya Beliz Malta Samoa Portuqaliya Çernoqoriya Makedoniya Birləşmiş Ərəb Əmirlikləri Malayziya Mikroneziya Panama Kosovonu müstətil dövlət kimi tanımaqdan imtina edən dövlətlər (əlifba sırası ilə): Anqola Argentina Azərbaycan Belarus Boliviya Bosniya və Hersoqovina Braziliya Cənubi Afrika Respublikası Çili Çin Ermənistan Əlcəzair Filippin Gürcüstan Hindistan İndoneziya İran İsrail İspaniya Kipr Kuba Qazaxıstan Qırğızıstan Laos Liviya Mali Meksika Misir Moldova Özbəkistan Rumıniya Rusiya Serbiya Sinqapur Şri-Lanka Sudan Tacikistan Ukrayna Uruqvay Vatikan Venesuela Vyetnam Yeni Zelandiya Yunanıstan Tərəddüd edən dövlətlər (əlifba sırası ilə): Banqladeş Bəhreyn Qətər İordaniya Pakistan Küveyt Səudiyyə Ərəbistanı Slovakiya Tailand Zambiya