İsrail Türkiyənin göndərdiyi natoya cavab verib

SON XƏBƏRLƏR

İsrail Türkiyənin göndərdiyi natoya cavab verib

2021.10.20, 07:36

Gunaz.tv

İsrail və Türkiyə arasında gərginlik davam edir

İsrail Türkiyənin göndərdiyi natoya cavab verib. Cavab məktubunda Təl-Əviv, İsrail silahlı qüvvəllərinin Türkiyə ilə münasibətlərində mənfi dəyişkiliklərin olmadığını bəyan edib. İsrail ordusu quru qoşunları komandanı Avi Mizrahinin söylədikləri onun şəxsi fikridir və ordunun rəsmi mövqeyini əks etdirmir. Türkiyə Xarici İşlər Nazirliyinin notasına belə cavab verilib. İsrailli komandan Avi Mizrahi çıxışında Qəzza sektorundakı son hərbi əməliyyatlarla bağlı Ankaranın tutduğu mövqeyi pisləyib. Quru qoşunları komandanı deyib ki, İsraili soyqırım törətməkdə ittiham edən Ankara öz keçmişinə dönüb baxmalı və erməni qırğınını araşdırmalıdır. Avi Mizrahinin bu ifadələri Türkiyə rəsmilərinin kəskin etirazına səbəb olub. Bu ölkənin Ankaradakı səfiri Xarici İşlər Nazirliyinə çağırılıb və ondan izahat tələb edilib. Təl-Əviv Mizrahinin sözlərinin İsrailin rəsmi mövqeyi ilə üst-üstə düşmədiyini bildirsə də, bu iki ölkə arasında siyasi gərginliyin hərbi müstəviyə keçməsi etimalları doğuru. Bu isə onsuz da hərbi qarşıdurmalardan qıtlıq çəkməyən Yaxın Şərq üçün böyük təhlükədir. İndi dünya birliyini bir sual maraqlandırır. Türkiyə ilə İsrail arasında həftələrdir davam edən gərginlik, qondarma erməni soyqırımı iddialarını Amerika Konqressi və İsrail Knessetinin gündəminə çıxaracaqmı? Hələlik yəhudi lobbi qurumları qondarma soyqırımı dəstəkləyib dəstəkləməyəcəkləri ilə bağlı qəti fikir bildirmir. Amma ekspertlər bu fikirdədir ki, ermənilərin yalançı iddialarının Amerikadakı yəhudi lobbisi tərəfindən dəstəklənməsi İsrail və Türkiyə münasibətlərinə ağır zərbə vura bilər. Xüsusilə İsrail üçün, strateji tərəfdaşı olan yeganə müsəlman dövlətini itirmək böyük itki sayılmalıdır.

GUNAZ.TV

SON XƏBƏRLƏR