İranın «Səhər» kanalı Azərbaycan qadınlarını təhqir edir

SON XƏBƏRLƏR

İranın «Səhər» kanalı Azərbaycan qadınlarını təhqir edir

2021.10.20, 07:36

Gunaz.tv

İranın «Səhər» kanalı Azərbaycan qadınlarını təhqir edir

Rabitə və İnformasiya Texnologiyaları Nazirliyi hələ də susur İran televiziyasının «Səhər 2» kanalında yayımlanan «Kompas» verilişi zamanı titrdə Azərbaycan qadınlarına qarşı təhqiramiz fikirlər yazılır. Həmçinin titrdə Azərbaycan qadınlarının BƏƏ, Türkiyə və s. ölkələrdə əxlaqsızlıqla məşğuq olduqları bildirilir. Bu kanal regionların əksəriyyətində yayımlanır ki, bu da vətəndaşlarımızın narazılığına və qəzəbinə səbəb olub. «Qadın Krizis Mərkəzi»nin rəhbəri Mətanət Əzizova hesab edir ki, Azərbaycan dövləti tərəfindən məsələyə xüsusi reaksiya olmalıdır: «Milli Təhlukəsizlik, Daxili və Xarici İşlər nazirlikləri də öz münasibətini bildirməlidir». Media Hüquqları İnstitutunun əməkdaşı Mətanət Müslümqızı bunu məqsədli təxribat sayır: «Səhər» kanalında Azərbaycanla bağlı elə məsələlər qaldırılır ki, İranda həmin problem daha kəskin formadadır. Kanal özünə hörmət edirsə, ümumi şəkildə deyil, konkret faktlar əsasında məlumat versin. Bununla bağlı məktub hazırlayıb İran səfirliyinə və Rabitə və İnformasiya Texnologiyaları Nazirliyinə müraciət edəcəm». D.Əliyeva adına Qadın Hüquqlarını Müdafiə Cəmiyyətinin rəhbəri Novella Cəfəroğlu isə düşünür ki, İranın «Səhər» kanalını çoxdan bağlamaq lazımdır: «Onların haqqı yoxdur ki, bizim xanımlar haqqında elə söz desinlər. Dünyanın hər yerində, o cümlədən İranda belə qadınlar var. Biz Dubayda olanda orda gürcü, ukraynalı, rus, ən çox da erməni qadınları var idi». «Təmiz Dünya» İctimai Birliyinin sədri Mehriban Zeynalova bütün QHT-ləri İran telekanalına etiraz etməyə çağırdı. // Bizim Yol

GUNAZ.TV

SON XƏBƏRLƏR