Contact Us

SON XƏBƏRLƏR

RUSİYA və TÜRKİYƏ PREZİDENTLƏRİ HƏRBİ-TEXNİKİ ƏMƏKDAŞLIĞI İNKİŞAF ETDİRMƏK NİYYƏTİNƏ İMZA ATIBLAR

2021.10.20, 07:36
RUSİYA və TÜRKİYƏ PREZİDENTLƏRİ HƏRBİ-TEXNİKİ ƏMƏKDAŞLIĞI İNKİŞAF ETDİRMƏK NİYYƏTİNƏ İMZA ATIBLAR

Gunaz.tv
RUSİYA və TÜRKİYƏ PREZİDENTLƏRİ HƏRBİ-TEXNİKİ ƏMƏKDAŞLIĞI İNKİŞAF ETDİRMƏK NİYYƏTİNƏ İMZA ATIBLAR big212863__1.jpg 13 fevral 2009, Moskva, Kreml Türkiyə prezidenti Abdulla Gül Moskvada rəsmi görüşlər keçirir. Bu gün o, Rusiya prezidenti Dmitri Medvedyevlə görüşüb. «Media forum» saytının məlumatına görə, Kremldə keçirilən təkbətək görüşdən sonra qısa açıqlama verən prezidentlər Türkiyə və Rusiyanın regiondakı əməkdaşlığının önəmli olduğunu vurğulayıblar. Medvedyev Türkiyə ilə hər cür strateji əməkdaşlığa hazır olduqlarını deyib. O, turizm, enerji, nəqliyyat, sənaye sahələrində, eyni zamanda Qara dəniz və Qafqazda Türkiyə ilə əməkdaşlıq etdiklərini söyləyib. Gül də ölkəsinin Rusiya ilə münasibətlərə böyük önəm veridyini söyləyib. Təkbətək görüşdən sonra dövlət başçıları nümayəndə heyətlərinin (xarici işlər nazirləri Əli Babacan və Sergey Lavrov da daxil olaqla) iştirakıyla geniş tərkibdə müzakirələr aparıblar. Sonra A.Güllə D.Medvedyev dostluq və tərəfdaşlığa dair birgə bəyannamə imzalayıblar. Bəyannamədə bildirilir ki, Türkiyə və Rusiya iki ölkə arasında hərbi-texniki əməkdaşlığı inkişaf etdirmək və bununla bağlı ortaya çıxan problemləri sürətləndirmək niyyətindədir. Sənəddə həmçinin qeyd olunur ki, Rusiya və Türkiyə hərbi-texniki əməkdaşlıq və müdafiə sənayesi sahəsində əməkdaşlıq üzrə birgə hökumətlərarası komissiyanın səmərəli fəaliyyətinin təmin olunmasına böyük önəm verir. Birgə bəyannamənin siyasi əhəmiyyətinə toxunan Rusiya prezidenti bildirib ki, bu sənəd qətiyyən formal xarakter daşımır: «Bu bəyannamə iki ölkə arasında xarici siyasət, ticarət, iqtisadi əlaqələr və humanitar sahələrdə əməkdaşlığın dərinləşdirilməsinin əsasını təşkil edəcək». A.Gül Moskvaya D.Medvedyevin rəsmi dəvəti əsasında gedib. Bu səfər 2008-ci ilin sonunda baş tutmalıydı, lakin o zaman Gülün qulağında yaranmış problem səbəbindən təxirə salındı. Fevralın 12-dən başlanan səfər əvvəl rəsmi səfər adlansa da, sonradan Rusiyanın xahişi ilə dövlət səfəri səviyyəsinə çıxarılıb. A.Gülün səfəri bazar günü axşam başa çatacaq.

SEÇİLMİŞ XƏBƏRLƏR

Çox oxunanlar