IRANDA 14 MILYON INSAN ACLIQ HƏDDINDƏ YAŞAYIR VƏ 15 MILYON NARKOMAN VAR

SON XƏBƏRLƏR

IRANDA 14 MILYON INSAN ACLIQ HƏDDINDƏ YAŞAYIR VƏ 15 MILYON NARKOMAN VAR

2021.10.20, 07:36

Gunaz.tv

IRANDA 14 MILYON INSAN ACLIQ HƏDDINDƏ YAŞAYIR VƏ 15 MILYON NARKOMAN VAR

Son günlərdə İranın bəzi mətbuatında İranda aclıqdan və ictimai təminatsızlıqdan vəfat edənlərin, narkomanların, aclıq həddində yaşayanların günü-gündən çoxaldığını bildirən yazılar dərc edilib. Son iki ilin araşdırmaları nəticələrindən məlum olub ki, İranda 14 milyon insan aclıq həddində və 15 milyona yaxın narkoman və narkotik maddələrə aludələr var, son bir ildə 48 nəfər aclıqdan həlak olub ki, onların 33 nəfəri kişi, qalanları qadın və uşaqlardır. Həlak olanların cəsədlərində aparılan araşdırmalarda bu insanların aclıqdan və qida çatışmamazlığından öldükləri İranın rəsmi orqanları tərəfindən təsdiqlənib. İranda insan haqları ilə əlaqədar təşkilatların tədqiqatlarında göstərilir ki, İran nakotik maddələrin Avropa ölkələrinə ötürülməsində əsas körpü rolu oynayır. İran həm Əfqanıstanda, həmdə İranın daxilində istehsal olunan narkotik maddələrin dünya ölkələrinə ötürülməsilə yanaşı İranın daxilində də narkomanların sayının artmasına səbəb olan amillərdən biridir. İran daxilində bu zəhərli maddələrin növlərinin çox və dəfələrlə ucuz olması da narkotik maddələrə marağın artmasına gətirib çıxarır, lakin ən əsas səbəb budur ki İran ölkəsində insanların boş vaxtlarını keçirmək üçün lazımi imkanların verilməməsi və şəriyət qanunlarının insanlara hakim olmasıdır. İran gəncləri daxili enerjilərini qapalı bir ölkədə heç bir yolla dəf edə bilmədiyi üçün əksər hallarda narkotikaya pənah aparırlar. Ona görə ki, İranda narkotik maddələri istədiyin yerdə ala bilirsən və heç bir təhlükə ilə üzləşmirsən. Demək olar ki, bu sahəyə İran dövləti tərəfindən heç bir nəzarət yoxdur, ona görə ki İranın hökümət rəsmiləri həm özləri narkotik maddələrdən istifadə edirlər, həm də narko-mafiya şəbəkələrində fəal gücə malikdirlər. Bir sözlə İran dövlətinin rəsmiləri bu zəhərli maddələrin yayılmasında həm siyasi, həmdə iqtisadi maraqları mövcuddur. İranda əvvəlki illərdə narkomanların yaşlarının 18-dən yuxarı idisə, indi 13 yaşda çoxlu sayda narkomanların olduğu müşahidə olunur. İran dünya ölkələri arasında bir neçə məsələdə birinciliyi hələ də əldə saxlayıb. Narkoman və narko-biznes, işsizlik və aclıq həddində yaşayanların sayına görə azyaşlıların edamı, daşqalaq, fərqli düşüncə, dini və milli mənsubiyyətinə görə təqib, təzyiq, işgəncə, həbs və edamlara görə, qeyri-fars millətlərə qarşı etnik təmizləmə, assimilyasiya, qadın və uşaq haqlarının pozulmasına görə hələdə birinci yerdədir. DAK Mətbuat xidmətinin rəhbəri Əlirza Amanbəyli

GUNAZ.TV

SON XƏBƏRLƏR