Məşhur terrorçu türkiyəli “işverən” Tuncay Güneyin yalan danışdığını deyib

SON XƏBƏRLƏR

Məşhur terrorçu türkiyəli “işverən” Tuncay Güneyin yalan danışdığını deyib

2021.10.20, 07:36

Gunaz.tv

Məşhur terrorçu türkiyəli “işverən” Tuncay Güneyin yalan danışdığını deyib

Türkiyədə davam etməkdə olan “Ergenekon” işinə vaxtilə dünyanın 1 nömrəli terrorçusu hesab edilən “çaqqal Karlos” ləqəbli Vladimir İliç Ramirez Sançes də qarışıb. Buna səbəb “Ergenekon”un “qara qutusu” olaraq tanınan və bu təşkilatı ifşa edən adam kimi göstərilən Tuncay Güneyin danışdıqlarıdır. “Hürriyət” qəzetinin yazdığına görə, “Döğan” xəbər agentliyinin əməkdaşı dünyanın ən sərt rejimli həbsxanasında ömürlük cəza çəkən Karlosla telefonla danışa bilib. Tuncay Güney ötən həftə TRT-2 telekanalına verdiyi qalmaqallı müsahibədə deyib ki, “çaqqal Karlos” 1979-cu ildə İstanbula gəlib və bir gənclə görüşüb. “Həmin gənc islam dünyasının önəmli simalarından biri idi. O adam indi həbsdədir”- deyə Güney bildirib. Karlos isə agentliyə açıqlamasında deyib ki, Tuncay Güney yalan danışır. “Mən inqilabçıyam. Türkiyədə çox oldum, İstanbuldan da çox keçdim, ancaq tranzit olaraq. Suriya yaxınlığındakı bölgədən də sərhədi keçdim. Mənim İstanbulda gənc islamçı liderlə görüşdüyüm haqda bu adamın dedikləri yalandır. Bugünkü kimi xatırlayıram, 30 il əvvəl, 1979-cu ilin yanvar ayında Bağdaddan Brüsselə gedərkən İstanbuldan tranzit keçdim və tək deyildim. Yanımda bəzi yoldaşlar var idi. Əvvəllər də İstanbuldan bu cür tranzit keçidlərim olub, amma Türkiyədə heç bir liderlə təmasım olmayıb”. “çaqqal” Türkiyədə Tuncay Güneyin dediyi kimi, MİT agentləri ilə görüşdüyünü də təkzib edib. O, təsdiq edib ki, 70-ci illərdə Türkiyədə fəaliyyət göstərən radikal solçu qruplaşmalardan birinin üzvləri ilə xaricdə toplantılar keçirib. Ancaq onların MİT agentləri olduğunu da əvvəlcədən bilirmiş: “Ancaq bu adamların mənim əsl kimlyim haqda məlumatları yox idi”. Türkiyə ilə bağlı terror qruplarındna hansılarla əlaqəsinin olması haqda suala cavabında “çaqqal” deyib ki, o “Asala” və onun lideri Akop Akopyanı tanıyırdı. “Akop Akopyanın əsl soyadı Dəmirçiyandır. Moskva metrosuna bomba qoyulması hadisəsində mənə məlumat vermişdi. Abdullah öcalanla da Suriyada bir toplantı zamanı qarşılaşdım. Münasibətlərimiz salamlaşmaqdan uzağa getmədi. Mənim kim olduğunu bilib-bilmədiyini də öyrənmədim”. Qəzetin yazdığına görə, “çaqqal”ın saxlanıldığı Paris yaxınlığındakı həbsxana dünyada ən sərt rejimli həbsxana kimi tanınır. Ancaq buna baxmayaraq, məşhur terrorçu həbsxanadan “Doğan” agentliyinin London bürosuna zəng edib və özünü “Komendante Karlos” kimi təqdim edib. Bildirilir ki, Karlos istədiyi yerə zəng edə bilir, ancaq həsbxanada bu cür imkanı necə əldə etdiyi qaranlıqdır.

GUNAZ.TV

SON XƏBƏRLƏR