Contact Us

SON XƏBƏRLƏR

Vladimir Putin yol ayrıcında

2021.10.20, 07:36
Vladimir Putin yol ayrıcında

Gunaz.tv
Vladimir Putin yol ayrıcında putin12.jpg Rusiyanın baş naziri Avropa ilə qaz konsorsiumu yaratmağı təklif edir Baş naziri Valdimir Putin İtaliyanın "Eni" neft-qaz qrupunun rəhbəri Paolo Skaroni və "Qazprom"un rəhbəri Aleksey Millerlə yanvarın 15-də keçirdiyi görüşdə deyib ki, "Rusiya qaz tranzitinin riskini Avropa ilə paylaşmağa hazırdır". Putin "Qazprom"dan yanacaq tranzitinin bərpası üçün tələb olunan şeyləri əldə edə biləcək beynəlxalq konsorsium yaratmağı təklif edib. "Eni"nin rəhbəri bu təklifi konstruktiv təklif sayıb və dəstəkləyib. O bildirib ki, avropalı həmkarları ilə bu konsorsiumu yaratmağın mümkünlüyünü müzakirə edəcək: "Bunu mümkün qədər tezliklə etmək lazımdır". Qeyd edək ki, yanvarın 17-də Moskvada qaz böhranının həlli məqsədilə Rusiya, Ukrayna və Avropa Birliyi nümayəndələrinin iştirakı ilə sammit keçirilməsi nəzərdə tutulur. Raifə Bu arada Ukrayna yenə də rus qazını nəql etməyib. "Naftoqaz Ukrainı" şirkəti növbəti dəfə Rusiya qazının Avropaya nəqlindən imtina edib. "Qazprom" əvvəlki günlərdə olduğu kimi sutkada 99,2 milyon kubmetr qaz nəqli barədə müraciət edib. Sutkada 330 milyon kubmetr qaz tələb edən "Naftoqaz" isə belə kiçik həcmdə qaz nəql etmək üçün texniki imkanlarının olmadığını bildirir. Ukrayna prezidenti Viktor Yuşşenko isə 5 Şərqi Avropa ölkəsinin prezidentini Kiyevdə keçiriləcək qaz sammitinə dəvət edib. Ukrayna prezidentinin mətbuat xidmətinin rəhbəri Larisa Mudrak deyib ki, artıq Polşa prezidenti Lex Kaçinski və Litva prezidenti Valdas Adamkus zirvə toplantısında iştirak edəcəklərini təsdiqləyiblər. Mudrak digər iştirakçıların adlarını açıqlamayıb. Öz növbəsində Rusiya prezidenti Dmitri Medvedyev də Rusiyadan qaz alan ölkələrin dövlət və hökumət başçılarını Moskvaya dəvət edib. Görüşün yanvarın 17-də keçirilməsi nəzərdə tutulur. Rusiyanın xarici işlər naziri Sergey Lavrov cümə günü Moskvada keçirdiyi mətbuat konfransında bəyanlayıb ki, Avropanın qaz ilə təchizatında böhran süni şəkildə yaradılıb. Lavrov deyib ki, Rusiya rəhbərliyi yaranan vəziyyətdən çıxmaq üçün bütün müqavilələrə hörmətlə yanaşaraq, böyük səylər tətbiq edir. XİN rəhbəri bildirib ki, bazar iqtisadi prinsiplərinə keçid həqiqi əməkdaşlıq üçün təməlin möhkəmləndirilməsinə imkan verəcək, inteqrasiya proseslərini daha səmərəli edəcək.

SEÇİLMİŞ XƏBƏRLƏR

Çox oxunanlar