Contact Us

SON XƏBƏRLƏR

Moskva və Kiyev arasında "son şans" danışıqları

2021.10.20, 07:36
Moskva və Kiyev arasında "son şans" danışıqları

Gunaz.tv
Moskva və Kiyev arasında "son şans" danışıqları 20050321044402putin_tymoshenko_203.jpg Rusiya və Ukraynanın baş nazirləri Moskvada görüşərək, Avropaya qaz ixracını kəsmiş mübahisələrinə son qoymağa çalışacaqlar. Avropa İttifaqı Kiyev və Moskvanı, özlərinin "etibarlı" partnyor olduqlarını sübut etməyə çağıraraq, bunun onların "son şansı" olduğunu vurğulayıb. Avropanın az qala 20 ölkəsi enerji böhranından çətinlik çəkir. Bəzi mərkəzi və şərqi Avropa dövlətləri qazı fasilələrlə verməyə məcbur olublar. Digərləri isə Rusiya qazına alternativ mənbələr axtarırlar. BBC-nin Moskvadakı müxbiri Riçard Qalpin deyir ki, şənbə günü baş nazirlər Putin və Timoşenkonun görüşü ərəfəsində, Avropa İttifaqı tərəflər üzərinə təzyiqi artırır. Avropa Komissiyasının sözçüsü Yohannes Laytenberq deyib ki, danışıqlar "Rusiya və Ukraynaya, mübahisəni həll etmək niyyətində ciddi olduqlarını nümayiş etdirmək üçün son və ən yaxşı şans verir." "Qaz nəql edilməlidir. Biz bu dövrü, onların etibarlı partnyor olub-olmadıqlarını sınamaq üçün imtahan dövrü sayırıq." Almaniyaya səfərdən yenicə dönmüş baş nazir Putin deyib ki, qaz tranzit konsortsiumunun yaradılmasını müzakirə etdikdən sonra, sazişin əldə olunacağına nikbin yanaşır. O deyib ki, Qazprom və Avropa İttifaqı şirkətləri arasında saziş hazırlanmaqdadır. Bu sənəd Rusiyadan Avropaya çatdırılan qazın tranzit xərclərinin bir hissəsini ödəməlidir. Ukraynanın belə sazişi qəbul edib-etməyəcəyi məlum deyil. Bu arada, Ukraynanın özündə daxili təchizat və tranzit təchizata dair fikir ayrılıqları qalmaqdadır. Ukrayna prezidenti Viktor Yuşşenko deyib ki, iki müqavilə arasında əlaqə var. Lakin baş nazir Timoşenko fərqli fikirdədir. O belə bir əlaqəni "əsassız və qeyri-ədalətli hesab edir." Xanım Timoşenko həm də "Ukraynanın danışıqlarda bir səslə çıxış etməsini tələb edib.

SEÇİLMİŞ XƏBƏRLƏR

Çox oxunanlar