Corc Buş Ağ evin rəhbəri kimi sonuncu dəfə Amerika xalqına müraciət edib

SON XƏBƏRLƏR

Corc Buş Ağ evin rəhbəri kimi sonuncu dəfə Amerika xalqına müraciət edib

2021.10.20, 07:36

Gunaz.tv

Corc Buş Ağ evin rəhbəri kimi sonuncu dəfə Amerika xalqına müraciət edib corc_bush=09.jpg

Dövlət başçısının, Ağ evin Şərq zalında, administrasiya üzvlərinin iştirakı ilə etdiyi 13 dəqiqəlik çıxışını Amerikanın aparıcı telekanalları canlı yayımlayıb Ağ ev rəhbəri Corc Buş televiziya ilə sonuncu dəfə Amerika xalqına müraciət edib. O, telemüraciətində öz prezidentliyindən danışıb, amerikalılara ona verdikləri etimada görə təşəkkür edib və növbəti prezident Barak Obamaya uğurlar arzulayıb. "Güclü müttəfiqlərimizlə birlikdə biz terrorçular və onları dəstəkləyənlərə qarşı mübarizə apradıq. Taliblərin Əl-Qaidəyə sığınacaq verdiyi, eləcə də qadınlara küçələrdə daş atıldığı Əfqanıstan, terrorla mübarizə aparan və qızların məktəbə getməyə sövq etdirən gənc demokratiyaya çevrilib. İraq qəddar diktaturadan və Amerikanın lənətlənmiş düşmənindən Orta Şərqin ürəyində yerləşən ərəb demokratiyasına və Amerikanın dostuna çevrilib. Bu qərarların çoxunun qanuniliyi barədə mübahisələr var. Lakin nəticələr müzakirə edilməlidir. 7 ildən artıqdır ki, Amerika torpağında terror hücumuna yol verilməyib". Buş postunu tərk etməyinə 112 saat qalmış Ağ evin Şərq otağından çıxış edib. Milli təhlükəsiz məsələsi ilə bağlı prezident vurğulayıb ki, onun administrasiyası dövləti terrorçuları izləmək üçün yeni cihazlarla təmin edib, onların maliyyə mənbələrini dondurub və planlarını puça çıxarıb. “Məndən əvvəl bu vəzifəni tutanlar kimi mən də uğursuzluqlar yaşamışam. Mənə yenidən imkan verilsə idi bəzi şeyləri başqa cür edərdim. Bununla belə, mən hər zaman ölkəmizin ali maraqları çərçivəsində hərəkət etmişəm. Öz vicdanımın arxasınca getmişəm və doğru olduğuna inandıqlarımı etmişəm. Mənim bəzi qəbul etdiyim sərt qərarlarla razılaşmaya bilərsiniz, lakin ümid edirəm ki, razılaşarsınız ki, mən sərt qərarlar qəbul etmək arzusunda olmuşdum”. Corc Buş Ağ evin gələcək sahibi Barak Obamanın ünvanına da xoş sözlər çatdırıb. “Beş gündən sonra dünya Amerika demokratiyasının gerçəkliyinin şahidi olacaq. Bu bizim xalq üçün ümid və fəxr anıdır. Seçilən prezident Obamaya, xanımı Mişel və iki gözəl qızına ən xoş arzularımı çatdırmaq üçün bütün amerikalılara qoşuluram”. Buş bu gün ailəsi ilə birlikdə Kemp-Deviddəki şəhər kənarı iqamətgahına köçəcək./ANS TV/

GUNAZ.TV

SON XƏBƏRLƏR