Contact Us

SON XƏBƏRLƏR

İran məhkəmələri daha bir qrup azərbaycanlının həbsi haqda qərar çıxarıb

2021.10.20, 07:36
İran məhkəmələri daha bir qrup azərbaycanlının həbsi haqda qərar çıxarıb

Gunaz.tv
İran məhkəmələri daha bir qrup azərbaycanlının həbsi haqda qərar çıxarıb 15qakhy.jpg Amerikanın Səsi Təbrizdəki mənbələrin verdiyi məlumatlara görə, İran İslam İnqılabı Məhkəmələri daha bir grup azərbaycanlı fəal haqda həbs qərarları verib. Təbrizin Baş İslam İnqılabı Məhkəməsi azərbaycanlı fəal Əli Rubaini 18 ay müddətinə azadlıqdan məhrum edib. Əli Rubai 2006-cı ilin May Üsyanları zamanı həbs olunmuşdu. İlkin məhkəmə onu 18 ay müddətinə azadlıqdan şərti məhrum etmə cəzasına məhkum etmişdi. Qərara etiraz edən fəalın işinə yuxarı məhkəmə sayılan Təbrizin Baş İslam İnqılabı Məhkəməsi baxıb. İşə yenidən baxılması zamanı yuxarı məhkəmə azərbaycanlı fəal haqda gözlənilməz olaraq 18 ay azadlıqdan məhrum etmə qərarı çıxararaq cənab Rubaini məhkəmə iclasından birbaşa həbsxanaya göndərib. Məhkəmənin qərarının qəti olduğu və bu rəyə etiraz hüququnun verilmədiyi bildirilib. Qərbi Azərbaycan Vilayətinin Makı şəhərində isə İslam İnqılabı Məhkəməsi “Milli təhlükəsizliyi pozmağa cəhdi”ndə ittiham olunan bir qrup azərbaycanlı fəal haqda qərar çıxarıb. Makının İslam İnqılabı Məhkəməsinin qərarına görə, 22 yaşlı fəal İbrahim Abdullanəjad 1 il müddətinə azadlıqdan məhrum edilib, 35 yaşlı fəal Əli Helmi isə 1 il şərti həbsə məhkum edilib. Əli Hüseynnəjad və Mohsün Hüseynzadə 10 ay müddətinə azadlıqdan məhrum ediliblər. Məhkəmənin qərarına görə, bu iki şəxsin haqqında verilmiş həbs cəzaları 500 min tümən pul cərimələri ilə əvəzlənib. Bundan öncə Makının İslam İnqılabı Məhkəməsi Sabir Beytullahi və Bəhmən Nəsirzadə adlı iki fəalı 1 il həbsə məhkum etmişdi. Barələrində qərar çıxarılan azərbaycanlı fəallar 2006-cı ilin May Üsyanları zamanı həbs olunaraq, təxminən bir ay qapalı təcridxanalarda saxlanmış daha sonra isə hər biri 50 milyon tümən girov qoymaqla zaminə buraxılmışdılar.

SEÇİLMİŞ XƏBƏRLƏR

Çox oxunanlar