Türkiyə demokratik Avropa ölkəsidir Ankara 15-ci İdarə Məhkəməsi prezident Abdulla Gülün rektor təyinatıyla bağlı qərarının qüvvəyə minməsini dayandırdı Yerli məhkəmə Prezidentin Baş Katibliyinin müdafiə sənədini qəbul etməyib Ankara 15-ci İdarə Məhkəməsinin "Doqquz Sentyabr" Universiteti rektorluğuna professor, doktor Mehmet Füzunun təyin olunmasına dair Türkiyə prezidentinin qərarının həyata keçirilməsinin dayandırmasının əks-sədası davam edir. Məhkəmə prosesində prezident adminstrasiyası "Prezidentin tək başına verdiyi qərarların məhkəmə nəzarətindən kənarda tutulduğunu, bu səbəbdən davanın tam ləğvinin gərəkdiyi" haqqında müdafiə sənədi təqdim edib. Amma məhkəmə "sorumsuzluq halı" müdafiəsini yetərli saymayıb. Qeyd edək ki, "Doqquz Sentyabr" Universitetində rektorluğa namizəd olub, seçkidə birinci çıxan professor, doktor Sədəf Gidener prezidentin qərarından məhkəməyə şikayət verib. Onun şikayətini, Prezidentin Baş Katibliyindən məhkəməyə göndərilən müdafiə sənədini, məhkəmənin prezidentin qərarının dayandırması haqqında hökmü mətbuatın əlinə keçib. Göytürk Müdafiədə universitet rektorunun seçilməsinin prezidentin vəzifə və səlahiyyətləri sırasında olduğu göstərilib. Anayasanın "məsuliyyət və məsuliyyətsizlik vəziyyəti" başlıqlı 105-ci maddəsində prezidentin rəsmən imzaladığı qərar və əmrlər əleyhinə Konstitusiya Məhkəməsi də daxil, digər məhkəmələrə müraciət olunmayacağı əksini tapıb. Anayasanın 125-ci maddəsinin ikinci hissəsində "Prezidentin təkbaşına verəcəyi qərarlar və Yüksək Əsgəri Şuranın qərarlarının məhkəmə nəzarətindən kənarda olduğu" hökmünün yer aldığı vurğulanıb. Prezidentin Baş Katibliyinin müdafiə sənədində rektor təyinatları ilə bağlı dla məhkəmə yolunun bağlı olduğu da bildirilib: "Bu günədək ortaya çıxan Baş Prokurorluq qərarları da prezidentin "universitet rektorlarının seçmək" səlahiyyətinin baş nazir ilə bağlı nazirinin imzalarına gərək olmadan prezidentin təkbaşına yerinə yetirməsini təyin etməkdədir. Qarşı imza qaydasına tabe olmayan rektor seçiminin siyasi cavabdehlik üçün baş nazir və digər nazirlərin imzalarının olduğu digər təyinat qərarlarından sayılaraq məhkəmə yolunun açıq olmasının müdafiə edilməsi Anayasaya açıq şəkildə ziddir". Yuxarıdakı iddiaları irəli sürən Prezidentin Baş Katibliyi professor, doktor Sədəf Gidenerin şikayətilə başlanan davanın rədd edilməsini vacib sayıb, hətta şikayətçinin "yaxşı niyyətli olmadığı" bildirilib. Prezidentin Baş Katibliyi rektor seçkilərində "ən çox səs almanın" namizədlər arasında üstünlük sıralamasının anlamına gəlmədiyini, universitet rektoru ola bilmək üçün "professor, akademik" olmaqdan başqa bir şərtin gərəkmədiyini də qeyd edib. Müdafiə sənədində Üç namizəddən birinin rektor seçməsi üçün prezidentə hər hansı məhdudiyyət qoyulmadığı da, cumhurbaşqanının isə rektor təyin etmək məsələsində mütləq bir seçim haqqının tanındığı fikri əksini tapıb. Dünən Ankara 15-ci İdarə Məhkəməsi Prezidentin Baş Katibliyinin 8 səhiflik müdafiəsini dəyirləndirib. Hüquqi terminlərlə zəngin hökmdən belə anlaşılır ki, yerli məhkəmə qanunun müəyyənləşdirdiyi üsullara əməl edilmədən müəyyənləşdirilən namizədlər arasından prezident Abdulla Gülün rektor təyin etməsi hüquqa zidd sayıb. Hətta Prezidentin Baş Katibliyinin "sorumsuzluq halı" müdafiəsi də yetərli görülməyib. Məhkəmə heyəti prezidentin qərarının 2 əleyhinə, bir lehinə olmaqla dayandırıb. İndi "Doqquz Sentyabr" Universiteti rektorluğuna professor, doktor Mehmet Füzunun bir həftə rzində daha yuxarı instansiya məhkəməsinə müraciət etməsi gözlənilir. Ankara 10-cu İdarə Məhkəməsi qərarı daha sonra verəcək.