Contact Us

SON XƏBƏRLƏR

BÖHRAN AZƏRBAYCANLILARI RUSİYADAN GERİ QOVUR

2021.10.20, 07:36
BÖHRAN AZƏRBAYCANLILARI RUSİYADAN GERİ QOVUR

Gunaz.tv
BÖHRAN AZƏRBAYCANLILARI RUSİYADAN GERİ QOVUR Vağzallar soydaşlarımızla doludur, qatarlarda boş yer yoxdur 2250.jpg “Moskvanın Orta Asiya və Qafqaz istiqamətlərinə tərəf hərəkət edən bütün sərnişin qatarlarına yanvarın ortalarınadək biletlər satılıb. Rusiyada inşaat və nəqliyyat sektorunda, habelə istehlak bazarında yaranan böhran miqrantları Rusiya paytaxtını kütləvi şəkildə tərk etməyə məcbur edib”. Bu barədə qəzetimizə Moskvadakı mənbəmiz xəbər verib. Qaynağımızın dediyinə görə, Moskva-Bakı qatarının Bakıya doğru hərəkət etdiyi Paveletsk dəmiryol vağzalının gözləmə zalı həmyerlilərimiz, həmçinin Dağıstan vətəndaşları ilə doludur: “Bu vağzaldan həm Bakıya, həm də Həştərxan və Rusiyanın digər cənub rayonlarına qatarlar hərəkət edir. İş o yerə çatıb ki, Bakıya gedən qatarların platskart vaqonlarının üçüncü yarusları da dolu olur. Vağzalın bütün kassalarının pəncərələrində isə biletin olmadığı barədə elan asılıb. Amma yerli dəllallardan,- onların çoxu isə azərbaycanlılardır,- nominal qiymətindən üç dəfə artığını ödəməklə bilet tapmaq mümkündür”. Məlumata görə, gələn il Rusiya miqrantlara tətbiq etdiyi kvotaları 50 faiz azaldacaq. Baş nazir Vladimir Putin bir qədər əvvəlki çıxışında bildirib ki, əmək bazarındakı çox mürəkkəb situasiyanı nəzərə alsaq, miqrant kvotaları ilə bağlı müraciətlərin minimum 50 faiz aşağı salınmasını məntiqi hesab edir. Moskvadakı “Antonov i partnyorı” hüquq şirkətinin vəkili Aydın Qurbanov isə Rusiya mətbuatına açıqlamasında bildirib ki, miqrant kvotalarının azaldılması daha çox Rusiyaya yeni yollanan, yaxud da bu fikirdə olan Azərbaycan vətəndaşlarına təsir edəcək. Miqrant kvotalarının azaldılması ilə bağlı prosesin necə gedəcəyi də dəqiq məlum deyil. Bu arada o da məlum olub ki, artıq iki həftədir Oryol və Yekaterinburq şəhərlərində 120 azərbaycanlı və təxminən o qədər də Orta Asiya ölkələrindən gəlmiş miqrant etiraz aksiyası keçirir. Yekaterinburqun mərkəzində tikintisi yarımçıq qalmış 17 mərtəbəli yaşayış binasının qarşısına toplaşmış 254 tacik fəhləyə qoşulan 86 azərbaycanlı üç aydan bəri ala bilmədikləri maaşı tələb edir. Oryolda isə “Domik v derevne” şirkətində çalışaraq şəhər kənarında kottec və malikanələrin inşasında işləmiş 46 azərbaycanlı dörd aylıq maaş borclarının tam ödənməsini tələb edir. Onlar tələbləri yerinə yetirilməyincə şirkətin ofisinin qarşısından çəkilməyəcəklərini bildirib. Səbuhi MƏMMƏDLİ

SEÇİLMİŞ XƏBƏRLƏR

Çox oxunanlar