Ermənilərdən üzr istəyirik” kampaniyasının hədəfi Azərbaycan olacaq

SON XƏBƏRLƏR

Ermənilərdən üzr istəyirik” kampaniyasının hədəfi Azərbaycan olacaq

2021.10.20, 07:36

Gunaz.tv

“Ermənilərdən üzr istəyirik” kampaniyasının hədəfi Azərbaycan olacaq”

Azay Quliyev QHT-lərin beynəlxalq tədbirlərdə daha aktiv olmalarını istəyir Dekabrın 23-də Prezident yanında Qeyri-Hökumət Təşkilatlarına Dövlət Dəstəyi Şurası 2009-cu ilin maliyyə yardımı müsabiqəsinin qaydalarını müzakirə edib. Lent.az-ın məlumatına görə, müzakirələrdə Azərbaycanda fəaliyyət göstərən QHT-lərin böyük əksəriyyətinin rəhbərləri iştirak edib. Şuranın sədri, millət vəkili Azay Quliyev deyib ki, Azərbaycandakı QHT-lər insan haqları, demokratiya və digər bu kimi mövzularla yanaşı, Dağlıq Qarabağ, qaçqın və məcburi köçkünlər, vətənpərvərlik mövzularına da diqqət yetirməlidir. A.Quliyev QHT-lərin bu istiqamətdə Azərbaycanda fəaliyyət göstərməsi ilə yanaşı, qatıldıqları beynəlxalq tədbirlərdə də dünya ictimaiyyətinin diqqətinə çatdırmalarının arzu olunduğunu vurğulayıb. O, son günlər Türkiyədə başlanmış “Ermənilərdən üzr istəyirik” kampaniyasının ağrıdıcı olduğunu söyləməklə yanaşı, bununla bağlı Azərbaycan QHT-lərinin etirazının olmadığını təəssüflə deyib: “Əgər belə etiraz olubsa da, kifayət qədər olmayıb. Nəzərə alaq ki, bu kampaniya çərçivəsində yaxın hədəf Azərbaycan olacaq”. A.Quliyev Azərbaycanın 2009-cu il dövlət büdcəsində QHT-lər üçün 2.750.000 manat ayrıldığını deyib. Onun sözlərinə görə, həmin vəsaitin bir qismi Şura Katibliyinin saxlanmasına sərf olunacaq, qalanı isə ölkədəki QHT-lərə ayrılacaq. Tədbirdə QHT nümayəndələrinin müxtəlif təkliflər səsləndirib. QHT nümayəndələrinə təlimlər keçilməsi, vətənpərvərlik mövzusunda layihələrin çoxaldılması və s. səsləndirilən təkliflər sırasında olub. Pərvin ABBASOV LENT.AZ

GUNAZ.TV

SON XƏBƏRLƏR