GÜLÜN MƏHKƏMƏYƏ VERƏCƏYİ MİLLƏT VƏKİLİ QARŞILIQLI İDDİA QALDIRACAQ

SON XƏBƏRLƏR

GÜLÜN MƏHKƏMƏYƏ VERƏCƏYİ MİLLƏT VƏKİLİ QARŞILIQLI İDDİA QALDIRACAQ

2021.10.20, 07:36

Gunaz.tv

GÜLÜN MƏHKƏMƏYƏ VERƏCƏYİ MİLLƏT VƏKİLİ QARŞILIQLI İDDİA QALDIRACAQ

Türkiyədə ermənilərdən üzr istəmək kampaniyasını açıq şəkildə pisləmədiyinə görə prezident Abdullah Gülü kəskin tənqid edən CHP millət vəkili bu dəfə ona öz ayaqqabılarını atmaq istəyir. Prezidentin anasının erməni əsilli olduğunu iddia edən CHP İzmir millət vəkili Canan Arıtman NTV telekanalına açıqlamasında deyib ki, əgər Abdullah Güllə qarşılaşsa, ayaqqabılarını çıxarıb ona atacaq. Qeyd edək ki, etirazın bu forması bir neçə gün əvvəl İraqda qeydə alınıb. Misirli jurnalistlərdən biri mətbuat konfransı zamanı qəfildən ayaqqabılarını çıxararaq ABŞ prezidenti Corc Buşa atıb və dərhal bütün dünyada məşhurlaşıb. Xəbər verildiyi kimi, C.Arıtman A.Gülün etnik kökəni haqda iddiasından sonra öz partiyası da daxil olmaqla bir çox yerlərdən tənqid edilib. CHP ona şifahi xəbərdarlıq edərək televiziyalara çıxmağı və açıqlamalarla çıxış etməyi qadağan edib. Lakin C.Arıtman bu xəbərdarlığa məhəl qoymur və açıqlamalarını davam etdirir. CHP millət vəkili A.Gülün onu məhkəməyə verməyə hazırlaşdığı haqda xəbərlərlə bağlı deyib ki, bundan narahat deyil və əgər prezident onu məhkəməyə versə, qarşı iddia qaldıracaq. O, sözlərindən peşman olmadığını və çoxsaylı dəstək mesajları aldığını da deyib. TRT KÜRD DİLİNDƏ DƏ YAYIMLANACAQ Turkiyənin dövlət televiziya kanalı TRT özünün kürd dilində ilk 24 saatlıq kanalının açılmasına hazırlıqlarını başa çatdırmaqdadır. Ölkənin baş naziri Rəcəb Təyyib Ərdoğan kanalı Yeni il günü açacaq. TRT-nin direktoru İbrahim Şahin yeni kanalın dövlət ideologiyasına xidmət etməyəcəyini deyib. Kanal TRT-nin xəbərlərini Kürd dilində təqdim edəcək. Təhlilçilərin dediyinə görə, yeni kanal Danimarkada mənzillənən və Türkiyənin qadağan edilmiş silahlı Türk qrupu PKK-nın sözçüsü saydığı “Roc” televiziya kanalının bölgədə təsirini azaltmağa çalışacaq.

GUNAZ.TV

SON XƏBƏRLƏR