ƏRƏB DÜNYASINDA QƏHRƏMANA ÇEVRİLƏN MÜNTƏZİR ƏZ-ZEYDİ 15 İL HƏBS CƏZASI ALA BİLƏR

SON XƏBƏRLƏR

ƏRƏB DÜNYASINDA QƏHRƏMANA ÇEVRİLƏN MÜNTƏZİR ƏZ-ZEYDİ 15 İL HƏBS CƏZASI ALA BİLƏR

2021.10.20, 07:36

Gunaz.tv

ƏRƏB DÜNYASINDA QƏHRƏMANA ÇEVRİLƏN MÜNTƏZİR ƏZ-ZEYDİ 15 İL HƏBS CƏZASI ALA BİLƏR Buş ona ayaqqabı atan jurnalistlə sərt davranmamağa çağırdı

ABŞ prezidenti Corc Buş İraqa səfəri zamanı ona ayaqqabı atan jurnalistə qarşı sərt davranmamağa çağırıb. ABŞ prezidenti CNN telekanalına müsahibəsində deyib ki, İraqda səlahiyyətli şəxslərin jurnalistə qarşı hansı tədbir görəcəklərini bilmir, lakin istərdi ki, onlar məsələni qəlizləşdirməsin və onunla sərt davranmasın. Buş Müntəzir əz-Zeydinin ona ayaqqabı atdığı vaxt nə düşündüyü haqda suala belə cavab verib. “O an düşünməyə fürsət olmadı, çünki üstümə gələn ayaqqabılardan xilas olmağa çalışırdım. Bu, mənim prezidentlik karyeram boyu rastlaşdığım ən qəribə hadisədir. Mən demokratik İraqda azad mətbuatın suallarını cavablandırmaq üçün mətbuat konfransına çıxmışdım. Amma o dəliqanlı qalxıb ayaqqabılarını mənə atdı. Bu, özünü ifadə etməyin fərqli və ilginc yoludur”. Məlumatlara görə, Müntəzir əz-Zeydi artıq məhkəmə qarşısına çıxarılıb. Məhkəmə onun barəsində aparılan təhqiqatın başa çatdırılmasına qədər jurnalistin həbsdə qalmasına qərar verib. İraqın yüksək məhkəmə instansiyasının sözçüsü Əbdülsəttar Birqədir deyib ki, jurnalist dövlət başçısının həyatına sui-qəsd cəhdi ittihamı ilə üzləşə və ona 15 il həbs cəzası verilə bilər. İraqın Daxili İşlər Nazirliyinin rəsmisi isə əz-Zeydinin xarici ölkə liderinə qarşı təhqir maddəsi ilə mühakimə edilə biləcəyini, bu maddə üzrə ona ən uzağı 2 il həbs cəzası verilə biləcəyini bildirib. Xəbər verildiyi kimi, jurnalist saxlanılarkən xəsarətlər alıb, onun qabırğalarından ikisi və əli sınıb, sifəti isə əzilib. Ağ Evin rəsmi nümayəndəsi, insident zamanı gözünün altı əzilən Dana Perina isə deyib ki, Buşa ayaqqabı atan jurnalistlər bağlı qərar vermək səlahiyyəti İraq məhkəməsinin və liderlərinin əlindədir. Perina prezidentin əz-Zeydiyə qarşı kini olmadığını da bildirib. Ərəb dünyasında isə Buşa ayaqqabı atan jurnalist əsl qəhrəmana çevrilib, hər gün onun dəstəklənməsi üçün İraqda və başqa ərəb ölkələrində müxtəlif aksiyalar təşkil olunur.

GUNAZ.TV

SON XƏBƏRLƏR