Karqozaran Partiyası qarşıdakı prezident seçkilərində reformistlərdən vahid namizədin iştirakına çalışır – İranın sabiq hakim partiyanın funksioneri Karqozaran Partiyasının funksioneri Məhəmməd Haşimi bildirib ki, Karqozaran partiyasi İranda keçiriləcək prezident seçkilərində islahatçılar düşərgəsindən vahid namizədin iştirakına çalışır. «Karqozaran partiyası ölkədəki digər siyasi quruplarla birgə islahatçılar(reformistlər) arasında birlik yaratmağa çalışır»,- deyə Haşimi (İranın sabiq prezidenti Əli Əkbər Haşimi Rəfsəncaninin qardaşı) çərşənbə axşamı TrendNews-a bildirib. «Milli birlik» ideyasını ilk dəfə cari ilin yayında İranın Məsləhət Şurasının üzvü, mühafizəkarların düşərgəsindən olan Əli Əkbər Natiq Nuri islahatçı partiyalarla görüşdə irəli sürüb. «Ölkənin uğuru bütün qüvvələrdən «Milli birlik, dövlətçilik» təşkilatı yaratmaqla və onun ətrafında birləşməklə əldə oluna bilər»,- deyə görüşdə Natiq Nuri bildirmişdi. «Milli Birlik» ideyası iki həftə əvvəl İranın Məsələhət Şurasının sədri Əli Əkbər Haşimi Rəfsəncani tərəfindən Konstitusiyanın 30 ilik yubleyinə həsr olunmuş parlament iclasında yenidən qaldırılıb. «Milli Birlik» ideyası İranın milli birliyini, dövlətçilik ətrafında bütün partiya və düşərgələrin iştirakını nəzərdə tutur. İran Parlamentinin sədri Əli Laricani də bu ideyanı dəstəkləyib. Karqozaran Partiyasının Baş katibi Qulamhüseyn Kərbasçı də milli birliyin yaradılmasını dəstəkləyib. Hakim koaliasiyanın Əhmədinejadı dəstəkləyən qolu isə, bu ideyaya qarşı sərt mövqe tutub. Haşiminin sözlərinə görə, hazırda «Milli Birliyin» yaradılmasına hazırlıq gedir .O bildirib ki, islahatçılar prezident seçkilərində müxtəlif namizədlərlə iştirak etsələr, qələbə qazana bilməyəcəklər. «Milli Birlik» ideyası son həftələr İranın siyasi həyatında geniş şəkildə müzakirə olunur. Haşimi bildirib ki, ideya ilk dəfə mühafizəkarlar tərəfindən irəli sürülüb. Haşimi milli birlik ideyasının İran prezidenti Əhmədinejadı prezident seçkilərində öz namizədliyini irəli sürmək fikrindən daşındırmaq məqsədi ilə irəli sürülmədiyini vurğulasa da, lakin ideya müəlliflərinin belə fikirdə olduqlarını istisna etməyib. Ötən həftə ərzində «Milli Birlik» hökuməti layihəsinə etiraz olaraq, Hakimiyyətyönlü «Keyhan», «Risalət» və «Cam – cəm» qəzetləri «Milil birlik» ideyasının Əhmədinejadı hakimiyyətdən uzaqlaşdırmaq məqsədi ilə irəli sürüldüyünü iddia edib . «Milli Birlik layihəsi və onun ekiz bacısı (ölkənin nicatı üçün koalisiya layihəsi) hakim Üsulgəra düşərgəsinə qarşı yönəlib», fikrini «Keyhan» qəzeti ötən bazar günü sərlövhəyə çıxarıb. Qəzet «Milli Birlik» layihəsininin Amerikanın maraqlarına xidmət etdiyini bildirib. «Əhmədinejadı hakimiyyətdə görməyə gözü olmayanlar «Milli nicat» və «Milli birlik» şüarları ilə qarşıdakı prezident seçkilərində iştirak etmək niyyətindədir»,- deyə qəzet «Risalət» qəzeti manşetdə vurğulayıb. İranda prezident seçkiləri 2009- cu il iyunun 12- də keçirilicək. İran prezidenti Mahmud Əhmədinejad bu seçkilərdə iştirakı ilə bağlı hələlik açıqlama verməyib.trend