Rusiya dəhşətli terrorun təşkilatçısının adını çəkdi

SON XƏBƏRLƏR

Rusiya dəhşətli terrorun təşkilatçısının adını çəkdi

2021.10.20, 07:36

Gunaz.tv

Rusiya dəhşətli terrorun təşkilatçısının adını çəkdi

Narkobaron 15 il əvvəlki “qan gölü”nü eyni “uğur”la təkrarlayıb Rusiyanın xüsusi xidmət orqanları noyabrın 26-28-də Hindistanın Mumbai şəhərində törədilmiş, 200-ə yaxın insanın ölümü ilə nəticələnən dəhşətli terror aktının təşkilatçılarından birinin adını müəyyənləşdirə bilib. Lent.az-ın “RİA-Novosti”-yə istinadən məlumatına görə, Rusiyanın Narkotiklərin dövriyyəsinə nəzarət üzrə federal xidmətinin rəhbəri Viktor İvanov bildirib ki, terror aktının arxasında narkobaron Davud İbrahim dayanır. Qeyd edək ki, İbrahimin adı Hindistanın Pakistandan ekstradisiyasını tələb etdiyi ehtimal olunan terrorçuların siyahısında yer alır. Rəsmi İslamabad terror aktlarının təşkilində şübhəli bilinən şəxsləri təhvil verməkdən imtina edir. Bununla yanaşı, Pakistan hökuməti Davud İbrahimin ölkə hüdudlarından kənarda olduğunu bildirir. Rusiya xüsusi xidmət orqanların əldə etdiyi məlumatlara görə, narkotacir Mumbaiyə hücumun təşkilinə və həyata keçirilməsinə yardım edib. Xatırladaq ki, İbrahim 1993-cü ildə Mumbaidə (o vaxt Bombey adlanırdı) baş vermiş terror aktının təşkilatçısı hesab olunur. O vaxt otel, restoran, teatr, birja və pasport xidməti binalarında baş vermiş serial partlayışlarda 257 nəfər həlak olmuşdu. Lent.az-ın arayışı: Davud İbrahim Kaşkar - Hindistanın bir nömrəli cinayətkar təşkilatı “D-Company”nin rəhbəri. Təşkilatın mərkəzi Mumbai şəhəridir. O, polis ailəsində böyüyüb. Amma illərdir, narkotik ticarətindən saxta marka istehsalına qədər, silah qaçaqmalçılığından digər transmilli cinayətlərə qədər hər cür qeyri-qanuni fəaliyyətin içindədir. İbrahim 1993-də 257 adamın öldüyü, 713 adamın da yaralandığı Bombeydəki bombalı saldırıları təşkil edib. Pakistan hökuməti təkzib etsə də, hal-hazırda Pakistanda gizləndiyi güman edilir. Xüsusilə də Pakistan kəşfiyyatıyla əlaqədə olduğu təxmin edilir. Bunun sayəsində Hindistan, Yəmən və Pakistan pasportlarıyla asanlıqla səyahət edə bilir. Ən əhəmiyyətlisi, tanınmamaq üçün plastik cərrahiyə üsulu ilə üzünü tamamilə dəyişdirdiyi məlumdur. LENT.AZ

GUNAZ.TV

SON XƏBƏRLƏR