İran yenə də Nizami Gəncəvini fars şairi kimi təqdim edib İran İslam Respublikası Azərbaycanın tanınmış şairi XII əsrində yazıb – yaratmış Nizami Gəncəvini yenidən fars şairi kimi təqdim edib. İranın «Əmir Kəbir» Nəşriyyatı Nizami Gəncəvinin (Gəncei) «Xosrov və Şirin», «Leyli və Məcnun», «İqbalnamə» və «Şərəfnamə» əsərlərini Behruz Sərvətiyanın düzəlişi ilə yenidən çap edib. Bu barədə TrendNews İranın MehrNews agentliyinə istinadən məlumat yayıb. Agentliyin məlumatında deyilir ki, «Xosrov və Şirin» əsərinin düzəlişləri və şərhi dünyanın müxtəlif muzey və kitabxalarında olan 14 əlyazmaya uyğun aparılıb. 1175 səhifəlik kitab «Əmir Kəbir» nəşriyyatı tərəfindən 2000 nüsxə tirajla çap olunub. Nizami Gəncəvinin (Gəncei) «Leyli və Məcnun» əsərinin düzəlişləri 12 əlyazmaya uyğun aparılıb. Əl yazmaların biri Təbriz Milli Kitabxanasında, digəri Moskva kitabxanasında saxlanılır. «Leyli və Məcnun» kitabı 683 səhifə, tirajı 1000 nüsxədir. Nizami Gəncəvinin (Gəncei) «İsgəndəri Şərəfnamə»si İsgəndər Məqduninin dastanlarına həsr edilib. Nizami Gəncəvi bu əsəri altıncı əsrdə yazılmış «Qədim İsgəndərnamə» əsərinə uyğun yazıb. Kitab 828 səhifədə və 2000 nüsxədə çap olunub. Nizami Gəncəvinin «İqbalnamə» əsəri isə, şairin həyatından bəhs edir. «İqbalnamə» 607 hicri ilində yazılıb və Nizaminin digər 5 əsərindən fərqlənir. Nizami Gəncəvi vaxtsız rəhmətə getdiyi üçün, bu əsərini yenidən düzəliş eləməyə imkan tapa bilməyib. Bu kitab 600 səhifə və 500 nüsxədə çap olunub. Xəbərdə Nizami Gəncəvi İran şairi kimi təqdim olunub. İranın Azərbaycandakı səfirliyi məsələ ilə bağlı geniş münasibət bildirəcəyini açıqlayıb. Trend Ne -un arayışı: Nizami Gəncəvi 12 - ci əsr Azərbaycan şairi və mütəfəkkiridir. Tam adı Cəmaləddin İlyas ibn Yusif Nizami Gəncəvidir. 1141 - ci ildə Azərbaycanın Gəncə şəhərində anadan olub, bütün ömrü boyu orada yaşayıb- yaradıb və heç vaxt doğulduğu şəhərdən kənara çıxmayıb. 1209 - cu ildə Gəncədə də vəfat edib. Nizami təhsilini Gəncə mədrəsələrində alıb, daha sonra şəxsi mütaliə yolu ilə dövrün elmlərini mükəmməl öyrənib, xüsusən də Yaxın Şərq xalqlarının şifahi və yazılı ədəbiyyatına yaxından bələd olub. Türk dilindən başqa, ərəb ve fars dillərini də mükəmməl bilən şairin yunan dili ilə də tanış olduğu, qədim yunan tarixi və fəlsəfəsini, astronomiya, tibb və həndəsə elmlərini yaxşı mənimsədiyi əsərlərindən aydın görünür. Nizami Gəncəvi dünya ədəbiyyatı tarixinə məsnəvi formasında yazdığı 5 poemadan ibarət "Xəmsə" ("Beşlik") müəllifi kimi daxil olub. trend