Contact Us

SON XƏBƏRLƏR

Avropa Məhkəməsi Əli İnsanovun iddiasını təmin etdi

2021.10.20, 07:36
Avropa Məhkəməsi Əli İnsanovun iddiasını təmin etdi

Gunaz.tv
Avropa Məhkəməsi Əli İnsanovun iddiasını təmin etdi 20070410173723aliinsanov1.jpg Avropa İnsan Haqları Məhkəməsi keçmiş səhiyyə naziri Əli İnsanovun müalicə olunmasına şərait yaradılması barədə iddianı təmin edib. Hazırda 13 saylı cəzaçəkmə müəssisəsində saxlanılan keçmiş səhiyyə nazirinin tezliklə Ədliyyə Nazirliyinin müalicə müəssisəsinə köçürülməsinə hazırlıq gedir. Keçmiş səhiyyə naziri Əli İnsanov hələ iki il əvvəl məhkəməsinə əsa il axsaya-axsaya gəlirdi. 2006-cı ildə Milli Təhlükəsizlik Nazirliyinin təcridxanasında saxlanılarkən onda 8 xəstəlik aşkarlanmışdı. Ən ağır formada olanı isə fəqərələrarası diskin yırtığı idı. Məhkəmənin qərarına hökumət əməl etməlidir. Artıq qərarın icrasına başlanılıb və yanvarın 20-ə qədər görülmüş tədbirlər barədə Avropa Məhkəməsinə məlumat verməliyik Çingiz Əsgərov, Azərbaycanın Avropa İnsan Haqları Məhkəməsindəki nümayəndəsi Əli İnsanovun vəkili Ağaveys Şahverdinin sözlərinə görə, o vaxtdan bəri Əli İnsanov xəstəliklərindən əziyyət çəksə də, müalicə müəssisəsinə göndərilməyib və indi vəziyyəti daha da ağırlaşıb. Bundan başqa, Əli İnsanov 13-cü cəzaçəkmə müəssisəsində saxlanma şəraitindən də narazıdır. “Əli İnsanov artıq ikinci ildir ki, istilik sistemi olmayan, döşəməsi, tavanı betondan olan barakda saxlanılır” – deyib vəkil. Vəkil bildirdi ki, müalicə ilə bağlı iddiaları Azərbaycanda bütün məhkəmə instansiyalarında rədd edildiyindən onlar bu ilin yayında Avropa Məhkəməsinə müraciət etməli olublar. Bu iddia ilə bağlı məhkəmə palatasının sədri qətmanə çıxarıb: “Qətnaməyə əsasən, Əli İnsanov müalicə müəssisəsinə köçürülməlidir. Onu 3 nəfər hökumət, 3 nəfər də öz tərəfindən dəvət olunmuş həkimlər müayinə etməli və xəstəlikləri, onların müalicəsi barədə rəy verməlidirlər”. Azərbaycanın Avropa İnsan Haqları Məhkəməsindəki nümayəndəsi Çingiz Əsgərov bildirir ki, Əli İnsanovun hökumətə qarşı qaldırdığı iddia üzrə məhkəmə hökmünü bu həftə qəbul ediblər və onun icrasına başlanılıb: “Məhkəmənin qərarına hökumət əməl etməlidir. Artıq qərarın icrasına başlanılıb və yanvarın 20-ə qədər görülmüş tədbirlər barədə Avropa Məhkəməsinə məlumat verməliyik” , - deyib cənab Əsgərov. Əli İnsanov cəzaçəkmə müəssisəsində informasiya ala bilməməsi və istintaq zamanı ona verilən işgəncələrdən də şikayət edib. Vəkil bildirdi ki, bu iddialar onun əsas işinə birləşdirilib baxılacaq.bbc

SEÇİLMİŞ XƏBƏRLƏR

Çox oxunanlar