USDAT ŞƏHRİYARA ABİDƏ QOYULMASI MƏSƏLƏSİ PARLAMENTİN GÜNDƏMİNƏ GƏLDİ

SON XƏBƏRLƏR

USDAT ŞƏHRİYARA ABİDƏ QOYULMASI MƏSƏLƏSİ PARLAMENTİN GÜNDƏMİNƏ GƏLDİ

2021.10.20, 07:36

Gunaz.tv

ŞƏHRİYARA ABİDƏ QOYULMASI MƏSƏLƏSİ PARLAMENTİN GÜNDƏMİNƏ GƏLDİ

Parlamentin bugünkü iclasında bəzi deputatlar Güney Azərbaycandan olan mərhum şair Məhəmmədhüseyn Şəhriyara Bakıda abidə ucaldılmasını tələb ediblər. «Trend»in məlumatına görə, deputat Sabir Rustəmxanlı çıxışında deyib ki, Şəhriyar adına Mədəniyyət Mərkəzinin qarşısında Şəhriyara abidə qoyulması nəzərdə tutulurdu. Lakin indi orada fəvvarə quraşdırıblar». Deputat qeyd edib ki, Şəhriyar adına Mədəniyyət Mərkəzinin qarşısında Şəhriyara abidə ucaldılacağına dair daş lövhə qoyulubmuş. Lakin saray təmir olunduqdan sonra həmin daş lövhə yoxa çıxıb və orada fəvvarə quraşdırıblar: «Məmmədəmin Rəsulzadənin abidəsinin ucaldılmasında da eyni hadisə təkrar olundu. Bu vəziyyət nə qədər davam edəcək? Azərbaycan tarixində xüsusi rolu olan insanlara belə münasibət yolverilməzdir. Bakı Şəhər İcra Hakimiyyətinin başçısı Hacıbala Abutalıbov bu məsələyə görə cavab verməlidir». Deputatlar İqbal Ağazadə, Qüdrət Həsənquliyev, Pənah Hüseyn, İltizam Əkbərli də təklifi dəstəkləyiblər. İclası idarə edən birinci vitse-spiker Ziyafət Əsgərov qeyd edib ki, Azərbaycanda tarixi şəxsiyyətlərə və onların gördükləri işlərə həmişə yüksək qiymət verilib və deputatların qaldırdığı məsələ araşdırılacaq. «Türküstan» qəzetinin baş redaktoru Aqil Camal dünən Şəhriyar adına Mədəniyyət Mərkəzinin qarşısındakı kiçik parkda aparılan təmirdən sonra ərazidə şairin büstünün qoyulmasına dair qoyulan lövhənin götürüldüyü haqda müraciət yayıb. Müraciətdə bildirilir ki, bir neçə il öncə Rəşid Behbudov, 6 ünvanında, Şəhriyar adına Mədəniyyət Mərkəzinin qarşısındakı kiçik parkda Şəhriyarın büstünün qoyulacağına dair lövhə yerləşdirilib. Həmin lövhə parkda təmir işləri başlayanadək yerində olub: «Parkda aparılan yenidənqurma işlərindən sonra isə lövhə götürülüb, yerində fontan quraşdırılıb». Bakı Şəhər İcra Hakimiyyətinin mətbuat xidmətinin rəhbəri Nuranə Mərdanova isə «Media forum»a açıqlamasında sözügedən mədəniyyət sarayının qarşısında Şəhriyarın büstünün qoyulması ilə bağlı lövhə olmadığını bildirib. Onun sözlərinə görə, ərazidə elə əvvəldən də fontan qurulubmuş. Mədəniyyət sarayının qarşısında Şəhriyarın büstünün qoyulub-qoyulmamasına gəlincə, N.Mərdanova meriyanın belə bir səlahiyyəti olmadığını bildirib: «Küçə adlarının verilməsi, heykəllərin, büstlərin qoyulması Prezidentin İcra Aparatı və Nazirlər Kabinetinin səlahiyyətlərindədir. Bu haqda xüsusi fərman və ya sərəncam verilməlidir». «Media forum»

GUNAZ.TV

SON XƏBƏRLƏR