Contact Us

SON XƏBƏRLƏR

Qazaxıstan neftinin Azərbaycan ərazisi ilə nəqli layihəsinin hazırlanmasına başlanılıb

2021.10.20, 07:36
Qazaxıstan neftinin Azərbaycan ərazisi ilə nəqli layihəsinin hazırlanmasına başlanılıb

Gunaz.tv
Qazaxıstan neftinin Azərbaycan ərazisi ilə nəqli layihəsinin hazırlanmasına başlanılıb btc_11avqust.jpg Bu kəmərlə ilkin mərhələdə gündəlik 500 min, sonrakı illərdə isə 1,2-1,8 milyon barel neft ixracı proqnozlaşdırılır "Kazmunayqaz" şirkətinin mütəxəssisləri Qazaxıstan neftinin Azərbaycan ərazisi ilə nəqli layihəsinin nin hazırlanmasına başlayıb. Qazaxıstanın ölkəmizdəki səfiri Serik Primbetovun sözlərinə görə, işçi qrup Xəzərin şərq sahilində infrastrukturun yaradılması layihəsi üzərində işləyir. Noyabrın 14-də Bakıda Kazmunayqazla Azərbaycan dövlət neft şirkəti arasında Transxəzər nəql sisteminin yaradılmasına dair sazişin imzalandığını xatırladan diplomat artıq Azərbaycan ərazisiylə az həcmdə də olsa neftin ixrac olunduğunu bildirib. Səfir Qazaxıstan hökumətinin Bakı-Supsadan istifadəylə bağlı kəmərin əməliyyatçısı «Bp-Azərbaycan» şirkətiylə danışıqlar apardığını da açıqlayıb: «Qazaxıstan neftin bir hissəsini Bakı-Supsa ilə ixrac etməkdə maraqlıdır. Artıq bununla bağlı danışıqlara başlanıb. Amma, hər şey tariflərdən asılıdır. Razılıq olsa, Qazaxıstan nefti qara dəniz limanlarına çatdırılacaq. 2013-cü ildən isə Kaşaqan yatağı da hasilata başlayandan sonra ixrac həcmi kəskin artacaq». «Bp-Azərbaycan» şirkətindən danışıqların gedişi barədə məlumat verməsələr də, bildirdilər ki, Bakı-Supsa Azəri-Çıraq-Günəşli layihəsinin obyektlərindən biridir və alternativ kəmər kimi işlədiləcək. Xatırladaq ki, Transxəzər nəql sisteminin yaradılmasına dair saziş imzalanarkən Kzmunayqazın rəhbəri Kairgəldi Kabıldin bildirmişdi ki, Azərbaycan ərazisindən keçməklə ilkin mərhələdə gündəlik 500 min, sonrakı illərdə isə 1,2-1,8 milyon barel neft ixracı proqnozlaşdırılır. Sistemin yaradılması üçünsə təqribən 3 milyard dollar tələb olunur. /ANS TV/

SEÇİLMİŞ XƏBƏRLƏR

Çox oxunanlar