21 Azər milli hökumətimizin 63-ci ildönümü Qeyrətli Azərbaycan Türk milləti: Fars işgalçılarına qarşı qurtuluş savaşımızın parlaq nümunəsi 21 Azər 1324 milli hökumətimizin quruluşudur. 63 il öncə milli hökumətimiz şəhid Seyid Cəfər Pişəvərinin rəhbərliyi və millətimin iradəsilə quruldu. Bir il içində ölkəmiz Azərbaycan öz millətimizin əlilə idarə olunub və bu müddətdə Azərbaycanda Universitet, radio, xəstəxana, Flarmoniya açılıb və bir çox fabrikalar tikilib, işsizliyə son qoyularaq hərtərəfli inkişafa başlamışdır. Bildiyiniz kimi, pəhləvilərin dövründə Rza şahdan başlayaraq öz ana dilimizdə yazıb oxumağa və mədrəsələrə qadağa qoyulmuşdur. Ancaq milli hökumətimiz yenidən öz dilimizdə məktəbləri açıb və millətimiz bütün sahələrdə ilk oxuldan Universitetə qədər hamısı öz ana dilimiz Azərbaycan türkcəsində yazıb oxuyurdu. Milli hökumətin çabalarıyla şəhərlərimiz abadlaşıb və xiyabanlar çəkilib asvalt olundu. O zamanlar İran adlanan ölkədə asvalt yox idi. Azərbaycanın bütün ərazisində tayı görünməyən əmniyyət və rifah yarandı. Ancaq fars şovinistləri bu uğura dözə bilməyib və bir ildən sonra bütün ordu və gücünü toplayıb ən modern silahlarla millətimizə hücum edərək kütləvi qətlama başlayıb minlərlə soydaşımızı qanına boyayıb, milli dövlətimizi çevirib və müqəddəs toprağımızı işğal etdi. Bu gün 63 ildir ki, toprağımız farsların vərindən işğal olub, öz dilimizi qadağan edib və özgə dilin “əcnəbi fars dilini” bizə zorla təhmil etməkdədir. 1 Xordat 1385- də (22 may 2006) millətimiz bir daha fars işğalçılarına etiraz edərək “Haray-haray mən türkəm” şüarlarıyla fars işğalçı qüvvələrinə qarşı yeni qurtuluş savaşını başlatmışdır. Fars işğalçı hökuməti millətimizə atəş açıb, bir çox soydaşımızı şəhid edib, yüzlərcə insanımızı yaralayıb və minlərin tutuqlamaqla pəhləvi rejiminin davamçı olduğunu bir daha sübut etdi. Ancaq fars şovinizmi nə tutuqlamalarla və nə də har hansı basqı ya zorakılıqla millətimizi əsarətdə saxlaya bilməyəcəkdir. Biz son nəfəsimizə qədər müstəqil Azərbaycan uğrunda savaşacağımıza əmin edirik. Bu qutsal dövlətçilik günümüzdə şadlıq törənlərin hər ilki kimi rəngli balon və tərəqqələrlə davam edib və 21 Azər gecəsi saat 8 -dən başlayaraq bütün şəhərlərimizdə, evlərdə, damlarda, küçələrdə, bazarlarda, parklarda, maşınlarda və bir mənada bütün olduğumuz yerlərdə qurd səsi çıxardaraq, qurtuluş rəmzini bütün millətimizə duyuracayıq. Səsimizə səs verərək bu müqəddəs savaşda yardıımınızı arzu edirik. Yaşasın azad və müstəqil Güney Azərbaycan! Güney Azərbaycan İstiqlal Partiyası (GAİP) 04.Azər 1387 (24 noyabr 2008)