Contact Us

SON XƏBƏRLƏR

«MEDİA FORUM»un SORĞUSUNDA ƏBÜLFƏZ ELÇİBƏY 625 SƏSİN 267-ni TOPLAYARAQ 1-ci YERİ TUTUB

2021.10.20, 07:36
«MEDİA FORUM»un SORĞUSUNDA ƏBÜLFƏZ ELÇİBƏY 625 SƏSİN 267-ni TOPLAYARAQ 1-ci YERİ TUTUB

Gunaz.tv
«MEDİA FORUM»un SORĞUSUNDA ƏBÜLFƏZ ELÇİBƏY 625 SƏSİN 267-ni TOPLAYARAQ 1-ci YERİ TUTUB elcibey-foto-9-1.jpg Əbülfəz Elçibəy «Media forum» saytı 17 noyabr Milli Dirçəliş Günü, meydan hərəkatının 20 illiyi münasibətiylə keçirdiyi internet sorğusunu başa çatdırıb. Oktyabrın 28-dən başlayaraq saytın sol sütununda (rubrika adlarından aşağıda) yerləşdirilmiş sorğuda oxuculara belə bir sual ünvanlanmışdı: «1988-92-ci illər xalq hərəkatında kimin daha çox xidmət göstərdiyini düşünürsünüz?» Sorğuya 1988-92-ci illərdə xalq hərəkatının ön sıralarında dayanmış bəzi şəxslərin (Meydan hərəkatı natiqlərinin, tələbə hərəkatı fəallarının, Azərbaycan Xalq Cəbhəsi qurucularının, Demokratik Blok deputat fraksiyası üzvlərinin) adları daxil edilmişdi. «Media forum» saytı oxuculara adı bu siyahıya düşməmiş, xalq hərəkatında xidmətləri olan başqa adamlara da səs verə bilmək imkanı da yaradıb. Xalq hərakatında kiminsə xidmətini təqdim olunan siyahıda yer almış şəxslərin xidmətindən üstün sayan oxucular «Adı bu siyahıda olmayan şəxs»ə səs verə biliblər. Noyabrın 3-ü saat 10.25-də dayandırılan sorğuda ümumən 625 dəfə səs verilib. Mərhum prezident, AXC-nin ilk sədri Əbülfəz Elçibəy səslərin 267-ni toplayaraq 1-ci yeri tutub. Oxucuların 42%-i hesab edib ki, 1988-92-ci illər xalq hərəkatında ən çox xidmət göstərən şəxs odur. 1. Əbülfəz ELÇİBƏY - 267 səs 2. Sabir RÜSTƏMXANLI - 91 səs 3. Etibar MƏMMƏDOV - 62 səs 4. «Adı bu siyahıda olmayan şəxs» - 56 səs 5. İsa QƏMBƏR - 45 səs 6. Xəlil Rza ULUTÜRK - 27 səs 7. Əli KƏRİMLİ - 26 səs 8. Zərdüşt ƏLİZADƏ - 13 səs 9. Nəcəf NƏCƏFOV - 9 səs 10. Tamerlan QARAYEV - 8 səs 11-13 Tofiq QASIMOV - 6 səs, İsgəndər HƏMİDOV - 6 səs, Nemət PƏNAHLI - 6 səs 14. Yusif SƏMƏDOĞLU - 3 səs «Media forum» saytı səsvermədə iştirak etmiş hər bir şəxsə təşəkkürünü bildirir. Sayt xüsusi qeyd edir ki, internet sorğusunda sosioloji parametrləri gözləmək mümkün olmadığından və bir nəfərin bir neçə dəfə səs verməsinin qarşısını almaq üçün tətbiq edilən texniki məhdudiyyətlər şərti xarakter daşıdığından bu tipli sorğuların nəticələri həqiqi ictimai rəylə üst-üstə düşməyə bilər. «Media forum» saytı diqqətə çatdırır ki, bu sorğu nəticələrinin onun xüsusi qeyd hissəsi olmadan dərc edilməsi, yayılması və ya başqa formada istifadə edilməsi yolverilməzdir. «Media forum»

SEÇİLMİŞ XƏBƏRLƏR

Çox oxunanlar