Contact Us

SON XƏBƏRLƏR

TÜRKİYƏDƏ KÜRD SEPARATİZMİ ŞİDDƏTLƏNİR

2021.10.20, 07:36
TÜRKİYƏDƏ KÜRD SEPARATİZMİ ŞİDDƏTLƏNİR

Gunaz.tv
TÜRKİYƏDƏ KÜRD SEPARATİZMİ ŞİDDƏTLƏNİR Baş nazir Vanda “Qatil Ərdoğan” və “Qəhrəman Apo” şüarları ilə qarşılandı; ölkədə iğtişaşlar səngimək bilmir 359.jpg Türkiyədə kürdlərin PKK-ya açıq dəstək verən Demokratik Toplum Partiyası (DTP) tərəfindən təşviq edilən separatizm dalğası getdikcə böyüyür. PKK lideri Abdullah Öcalanın həbsxanada döyülməsi haqda xəbərlərdən sonra kürdlərin ölkənin cənub-şərqində, o cümlədən İstanbul və digər şəhərlərdə davamlı şəkildə təşkil etdiyi iğtişaşlar dünən də davam edib. Baş nazir Rəcəb Tayyib Ərdoğan isə dünən Van şəhərinə səfəri zamanı “Qatil Ərdoğan”, “Qəhrəman Apo”, “Bura Kürdüstandır” kimi şüarlarla qarşılanıb. Məlumatlara görə, Ərdoğanın səfərində məqsəd partiyasının yerli təşkilatının konqresinə qatılmaq və bəzi obyektlərin açılışında iştirak etmək olub. Onun səfəri ilə bağlı Vanda güclü təhlükəsizlik tədbirləri görülsə də baş nazirin şəhərə daxil olması ilə eyni vaxtda DTP-nin təşkilatçılığı ilə PKK tərəfdarları küçələrə çıxaraq iğtişaşlar törədiblər. Polislə qarşıdurma olduğu bildirilir. Məlumatlara görə, polislə toqquşmalara girən PKK tərəfdarları Ərdoğanın əleyhinə sərt şüarlar səsləndiriblər. Bura “Aposuz dünyanı başınıza yıxarıq”, “Dişə - diş, qana - qan”, “Bura Kürdüstan, buradan çıxış yox” kimi şüarlar da daxil olub. Polis işğtişaşçıları dağıtmaq üçün havaya atəş açıb və gözyaşardıcı qazdan istifadə edib. 2 nəfərin yaralandığı, 20-dən çox adamın tutulduğu bildirilir. Bu arada Diyarbəkirdə də DTP-nin təşkil etdiyi aksiyalar davam edir. PKK tərəfdarları şəhər kənarında yerləşən 7-ci ordu komandanlığının qarşısında çadırlar quraraq oturaq aksiyaya başlayıblar. Aksiyaya DTP-dən olan millət vəkilləri də qatılıb. 5 mindən çox PKK tərəfdarının qatıldığı aksiyada terror təşkilatına qarşı hərbi əməliyyatların dayandırılması və kürdlərə muxtariyyət statusunun verilməsi tələbləri səslənib. Əri hazırda PKK sıralarında olan DTP-li millət vəkili Fatma Kurtulan çıxışında deyib ki, Türkiyədə kürdlərə status verməyin vaxtı çatıb. F.Kurtulan Öcalan haqqında “hörmətli” ifadəsini işlədib və ona qarşı həbsxanada edilmiş kobud rəftarın cavabsız qalmayacağını deyib. Onun çıxışları “Qatil Ərdoğan”, “Qəhrəman Apo” şüarları ilə kəsilib. Siyasət şöbəsi musavat

SEÇİLMİŞ XƏBƏRLƏR

Çox oxunanlar