Barak Obama üstünlüyünü qoruyur

SON XƏBƏRLƏR

Barak Obama üstünlüyünü qoruyur

2021.10.20, 07:36

Gunaz.tv

Barak Obama üstünlüyünü qoruyur

Respublikaçı ştat sayılan Alyaskanın ən böyük qəzeti də demokrat namizədi dəstəkləyir Prezident seçkilərinin keçiriləcəyi 4 noyabra bir həftə qalmış prezidentliyə namizəd, demokrat Barak Obamanın Denverdəki çıxışını dinləməyə 100 min insan toplaşıb. Bu, namizədin apardığı kampaniya ərzində qeydə alınan ən böyük göstəricidir. Onun respublikaçı rəqibi Con Makkeyni dinləməyə gələnlərsə nisbətən az olub. Ayova ştatının Çedar Follz şəhərində 2 min, Ohayo ştanının Zeynsvil şəhərində isə 5 min insan onun çıxışına qulaq asmaq üçün gəlib. Con Makkeyn deyib ki, əgər Barak Obama qalib gələrsə, vergilər yüksələcək, bürokratik aparat böyüyəcək. Con Makkeynin vitse-prezident postuna namizədliyini irəli sürdüyü Sara Pelinin qubernatoru olduğu Alyaskanın ən böük qəzeti "Ankorage Daily News" isə Barak Obamanı dəstəkləyib. Məsələnin diqqət çəkən tərəfi həm də odur ki, Alyaska həmişə "respublikaçı" ştat kimi tanınıb. Rəvan Qəzetdə baş məqalənin müəllifi Con Makkeyni Amerika üçün "səhv seçim" sayır. Onun fikrincə, Barak Obama ABŞ üçün daha böyük ümidlər verir: "İqtisadi böhran dövründə Con Makkeyndən fərqli olaraq daha ağıllı, soyuq və qətiyyətli hərəkət edir. Düzdür, Alyaska sakinləri Sara Pelinin prezident seçkiləri kampaniyasında iştirakına fəxrlə yanaşırlar, ancaq hesab edirlər ki, onun Ağ Evdə əyləşməsi hələ tezdir". Hələ seçicilərinin mövqeyini dəqiqləşdirmədiyi Florida ştatında Barak Obama ilə birgə sabiq prezident Bill Klintonun da çıxış edəcəyi dəqiqləşib. Ekspertlərə görə, Bill Klintonun dəstəyi qara dərili namizədə Floridanın ağ dərili fəhlələri arasında səs yığmağa kömək edəcək. Bu arada Pennsilvaniyanın Şərq Dairəsi Məhkəməsi vəkil Filip Berqin iddiasında yetərli hüquqi dəlillər olmadığı qənaətinə gəlib. Vəkil Barak Obamanın ABŞ vətəndaşlığı daşımağa və prezidentliyə namizəd olmağa haqqı çatmadığını iddia edirdi. Qeyd edək ki, az əvvəl Con Makkeynin tərəfdarları bir neçə qara dərilinin onların üzünə "B" hərfi yapışdırdıqlarıyla bağlı polisə müraciət ünvanlamışdılar. Ancaq sonradan onlar etiraf ediblər ki, belə hadisə olmayıb. Polisə görə, belə iddiada olan 20 yaşlı Eşli Toddun psixikasında problemdər müşahidə olunur. "Gellap"ın apardığı və nəticələrini 24 oktyabrda açıqladığı son tədqiqata görə, növbədənkənar seçkilərə seçicilərin 11 faizi qatılıb. 19 faiz də 4 noyabra qədər növbədənkənar səs vermək niyyətindədir. Sorğu göstərib ki, seçicilərin çoxu Barak Obamaya üstünlük verib. xalqcebhesi

GUNAZ.TV

SON XƏBƏRLƏR