Fars şovinist rejimi azyaşlıların edamını davam etdirəcək

SON XƏBƏRLƏR

Fars şovinist rejimi azyaşlıların edamını davam etdirəcək

2021.10.20, 07:36

Gunaz.tv

Fars şovinist rejimi azyaşlıların edamını davam etdirəcək

Bir müddət öncə İran adlanan yerin Ali Məhkəməsinin rəsmiləri 18 yaşından əvvəl cinayət törətmiş şəxslər haqqında edam cəzalarının verilməsi hallarının dayandırılacağını bildirmişdi. Rəsmi açıqlamalara görə, yeniyetmələr haqqında çıxarılmış ölüm hökmləri 15 ildən ömürlük həbslərədək azadlıqdan məhrumedilmə cəzaları ilə əvəzlənəcək. İnsan hüquqlarını müdafiə təşkilatlarının və xüsusilə haqqında edam qərarı verilmiş gənc məhkumların böyük sevinclə qarşıladığı bu xəbərin daha sonra qismən təkzib olunması ciddi etirazlara səbəb olub. İran adlanan yerin Ədliyə Nazirliyinin rəsmisi Həsən Zebhinin dediyinə görə, yenicə qəbul olunmuş qərar “qisas” maddəsinə şamil olunmayacaq. Onun sözlərinə görə, qisasa aid olan cinayətlər haqda hökümət deyil, vətəndaşlar qərar verə bilərlər. Bununla da İran adlanan yerin rəsmiləri qətl kimi cinayətlərə görə edama məhkum olunmuşlara qarşı ölüm cəzalarının icrasının davam edəcəyini təsdiq etmiş olub. Bir sıra qurumlar, o cümlədən “Amnesty İnternational” (Beynəlxalq Əfv Təşkilatı) bu xəbəri narahatlıqla qarşıladığını bildirən bəyanatla çıxış edib. Qurumun bəyanatında deyilir ki, İran adlanan yerin hökumətinin 18 yaşından aşağı yeniyetmələrə qarşı edam cəzasının aradan qaldırılması ilə bağlı ilk açıqlaması beynəlxalq ictimai rəyi azdırmaq məqsədi ilə yayılıb. “Amnesty İnternational” İran adlanan yerin dini rəhbəri, ayətullah Seyid Əli Xameneyini bu məsələyə müdaxilə etməyə çağırıb. Təşkilatının Yaxın Şərq Proqramının təmsilçisi Hasiba Şahruinin bildirdiyinə görə, Əli Xameneyi bu məsələni birdəfəlik həll edə və bu problemlə bağlı “beynəlxaq ictimaiyyəti aldatma məqsədi ilə aparılan “söz oyunu””na son qoya bilər. “Amnesty İnternational”ın məlumatına görə, hazırda İran adlanan yerdə 130 yeniyetmə edam növbəsini gözləyir. Başqa beynəlxalq qurumlar, o cümlədən SOS Torture - İşgəncələrə Qarşı Beynəlxalq Təşkilat fars şovinist rejimindən Beynəlxalq Uşaq Hüquqları ilə bağlı öhdəliklərini yerinə yetirməsini tələb edir. SOS Torture edam hökmünün ləğv edilməsi haqda parlamentdə müvafiq qanun qəbul edilməsinin vacibliyini vuğulayır və İran adlanan yerin hökumətini, ümumiyyətlə, azyaşlıların edamını dayandırmağa çağırır. İnsan hüquqlarını müdafiə təşkilatları bildirir ki, edamların sayına görə İran adlanan yer Çindən sonra dünyada ikinci yeri tutur.

GUNAZ.TV

SON XƏBƏRLƏR