Maliyyə böhranı səngimir BVF Avropa banklarına xəbərdarlıq edib Son iki həftədə Rusiyadan 20 milyard dollar kapital "qaçıb" Dünyanın gündəmində maliyyə böhranı əsas problem olaraq qalır. Tokio birjasında səhmləri olan şirkətlərin əndişələri "Nikke" indeksinə mənfi təsir göstərib, bu indeks 2,5 faiz dəyərdən düşüb. Beynəlxalq maliyyə böhranının dərinləşəcəyi qorxusu Asiya birjalarında da geriləməyə səbəb olub. Cənubi Koreyada birjalarda səhmlər dəyərini 7 faiz itirib. Honkonq birjasında bu mənfi göstərici 4,7 faiz, Avstraliyada 4 faiz, Braziliyada 10,2, faiz, Meksikada 7 faiz olub. Rəvan Məmmədov Avropada da təlaş davam edir. London birjasında 2,09 faiz, Almaniya birjalarında 3,67 faiz, Fransa birjalarında 2,94 faiz, Brüssel birjasında 2,64 faiz, Madrid birjasınja 4,74 faiz səhmlər dəyərdən düşüb. Ötən gün birjalarda neftin qiyməti yüksəlib. "Brent" tipli neftin bir bareli Londan birjasınja 1,02 dollar baha, yəni 67,84 dollara satılıb. Neftin qiymətinin artmasının səbəbi kimi bu gün Vyanada toplantısını keçirəcək OREK ölkələrinin hasilatın miqdarını azaldacaqları ilə bağlı bəyanatları olub. Bu arada Beynəlxalq Valyuta Fondu (BVF) gələn il Avropada daha çox bankın bata biləcəyilə bağlı xəbərdarlıq edib. Bu arada Almaniyada ilk dəfə bir bank hökumətdən yardım istəyib. "Bayern Bank" hökumətdən 7.2 milyard dollar yardım gözləyir. Böhran ABŞ-ın ən böyük internet saytı "Yahoo"nu da vurub. Gəlir baxımından ciddi itkiləri olan "Yahoo" iş gücünü 10 faiz azaltma qərarı verib. Son iki həftə ərzində isə Rusiyadan 20 milyard dollara qədər təmiz kapital çıxıb. Bu, xarici səhmdarların maliyyə böhranı şəraitində rus bazarına etimad bəsləmədiyinin göstəricisi sayılır. Öncə maliyyə naziri Aleksey Kudrin bildirib ki, avqust-sentyabr ayında investorlar ölkədən 33 milyard dollar çıxarıblar. Rus şirkətlərinin və dövlət təşkilatlarının əməkhaqqı qismində borcları isə 2008-ci ildə 2,1 faiz artıb və 3 milyard dolları keçib. Ümumilikdə, 200 min insana əməkhaqqı borcu var. Maliyyə böhranı dünya liderlərini də bir araya gətirib. 15 noyabrda Vaşinqtonda dünya ölkələrinin dövlət və hökumət başçılarının zirvə görüşü olacaq. Bu barədə Ağ Evin sözçüsü Dana Perino xəbər verib. Tədbirə prezident Corc Buş ev sahibliyi edəcək. Zirvə görüşündə maliyyə böhranının səbəbləri və vəziyyətdən çıxmaq üçün aparılacaq islahatlar müzakirə olunacaq. Dana Perino ABŞ-da 4 noyabr seçkilərində qələbə qazanacaq prezidentliyə namizəddən də dəstək istənəcəyini nəzərə çatdırıb. Onun sözlərinə görə, Corc Buş maliyyə böhranının qarşısını almaq üçün dünya ölkələrini ticarəti genişləndirməyə, ticari əlaqələrdən çəkinməməyə çağıracaq. ... Maliyyə böhranı dövründə kapitalist sistemini bir gün özünün yaratdığı mexanizmlərin məhv edəcəyini yazan Karl Marksın "Daş Kapital" kitabının satışının artmasına da ciddi təsir göstərib. Təkcə Almaniyada Karl Marksın kitablarının satışı 3 dəfə artıb... xalqcebhesi