Contact Us

SON XƏBƏRLƏR

Rusiyanın qeyri-səmimi diplomatik fəallığı

2021.10.20, 07:36
Rusiyanın qeyri-səmimi diplomatik fəallığı

Gunaz.tv
Rusiyanın qeyri-səmimi diplomatik fəallığı qarabag.jpg "Moskva Qarabağ münaqişəsinin "həll iplərini" Qərbə vermək istəmir" Rusiya prezidenti Dmitri Medvedyev növbəti təşəbbüsdə bulunub. O ümid edir ki, Rusiya, Ermənistan və Azərbaycan prezidentləri ən yaxın vaxtlarda Moskvada görüşərək, Dağlıq Qarabağ münaqişəsinin nizamlanması məsələlərini müzakirə edə bilərlər. Dağlıq Qarabağ münaqişəsinin həllinə münasibət bildirən Dmitri Medvedyev danışıqlarda irəliləyişin olduğunu, hər iki tərəfin müzakirələri davam etdirmək niyyətini bəyanladığını söyləyib. Ramiz Mikayıloğlu Qeyd edək ki, Rusiya mətbuatı da belə təəssürat yaratmağa çalışır ki, Moskva Dağlıq Qarabağ münaqişəsinin həllinə çalışır və bu yöndə əlindən gələni edir. Bəs prezidentlərin görüşü nələr vəd edir? Niyə Rusiya revanş götürməyə çalışır? Məsələylə bağlı fikirlərini öyrəndiyimiz "Atlas" Araşdırmalar Mərkəzinin rəhbəri Elxan Şahinoğlu deyir ki, Rusiyanın işğalçı dövlətə təsiri daha böyükdür. Moskvanın həqiqətən Azərbaycanın ərazi bütövlüyünün təmin edilməsində, problemin həllini tapmasında marağı varsa, öz forpostu olan işğalçı ölkəyə təsir göstərə və məsələni yoluna qoya bilər. Onun sözlərinə görə, prezidentlərin görüşü, müzakirələrin aktivləşməsi prosesə müəyyən müsbət təsir edir: "Ancaq yuxarıda da dediyim kimi, münaqişənin həllində vacib şərt Rusiyanın Ermənistana təsir etməsidir ki, biz də hələ bunu görmürük". Bəs Rusiya aktivləşməklə əslində nəyə nail olmaq istəyir? Elxan Şahinoğluna görə, Moskva istəmir ki, Qarabağ münaqişəsinin həllinin "iplərini" Qərbin əlinə versin. Ona görə də Qarabağ danışıqlarına özü nəzarət etmək istəyir: "Bir məqama da diqqət çəkmək istəyirəm. Əgər Rusiya sözdə Türkiyənin bölgədə fəallaşmasını, Qarabağ münaqişənin tənzimlənməsi prosesində iştirakını məqbul saysa da, görünür ki, əməldə bir qədər narahatdır. Moskva istəmir ki, Qərb, Türkiyə Qarabağ münaqişəsinin tənzimlənməsində fəallıq göstərsin. Ona görə də Rusiya öz varlığını göstərmək üçün ara-sıra belə görüşlər təşkil edir. Amma belə açıqlamaları neçə illərdir ki, biz eşitmişik, irəliləyişlər isə olmayıb". O, Moskvanın Qarabağ münaqişəsinin həllində maraqlı olması barədə Rusiya mətbuatında yazılanları da əsassız sayır: "Rusiya Qərbi irəli buraxmamaq üçün belə fəallıq göstərir".

SEÇİLMİŞ XƏBƏRLƏR

Çox oxunanlar