Contact Us

SON XƏBƏRLƏR

Qaz OPEK- i yanacağa olan dünya qiymətlərini tənzimləməyə imkan verəcək – Miçiqan Universitetinin eksperti

2021.10.20, 07:36
Qaz OPEK- i yanacağa olan dünya qiymətlərini tənzimləməyə imkan verəcək – Miçiqan Universitetinin eksperti

Gunaz.tv
Qaz OPEK- i yanacağa olan dünya qiymətlərini tənzimləməyə imkan verəcək – Miçiqan Universitetinin eksperti _riad_al_khuri_221008.jpg Dünyada ən iri qaz hasilatçısı olan üç ölkənin – Rusiya, İran və Qətərin qaz birliyini yaratması bu yanacağa olan dünya qiymətlərini tənzimləməyə imkan verəcək və ümumilikdə dünyada qaz siyasətinə müsbət təsir göstərəcək, - ərəb iqtisadçı ekspert Riayd əl-Huri (Riad al-Khouri) hesab edir. “Aralarında heç bir siyasi fikir ayrılığı olmayan üç ölkənin birləşməsi dünyada qaz istehsalında müsbət rol oynayacaq”, - Miçiqan Universitetinin Uilyam Devidson İnstitutunun əməkdaşı əl-Huri çərşənbə axşamı telefonla TrendCapital-a bildirib. Üç ölkənin enerji idarələri rəhbərlərinin görüşündə qaz OPEK-inin yaradılması barədə qərar qəbul edilib. Əl-Hurinin sözlərinə görə, Rusiya, İran və Qətər arasında münasibətlərin siyasi əlaqələr prinsipi üzərində qurulması vacib məqamdır. “Neftlə kollaps yaransa da, mənə elə gəlir ki qazla belə olmayacaq”, - ekspert bildirib. Qaz kartelinin yaradılması ölkələrin yeni qaz müqavilələri bağlayarkən, öz aralarında razılığa gələcəkləri deməkdir. Beləliklə, dünya qaz bazarının əsas oyunçuları qazın ixrac həcminin və dünyada onun qiymətlərinin formalaşmasına bilavasitə təsiri olacaq təşkilat yaradıblar. Neft kartelinin qaz analoqunun həm hasilatçı, həm də istehlakçı ölkələrdə problemlərin yaranmasına gətirəcəyini hesab edən ABŞ və Avropa İttifaqı “qaz OPEK”inin yaradılmasının əleyhinə çıxış ediblər. Bundan əlavə, bunun qazın qiymətlərinin kəskin artmasına gətirəcəyi qorxusu var. “Aİ bu məsələyə müdaxilə etməyəcək. Əlacsız qaldıqda, Aİ-nin Almaniya kimi ölkələru Rusiya ilə bu sahədə əməkdaşlıq edəcək və mənə elə gəlir ki, bu Rusiya və ABŞ arasındakı münasibətlərə təsir göstərməyəcək”, - əl - Huri bildirib. BP - nin “Dünya energetikası – 2008” hesabatının məlumatlarına əsasən, Rusiya qaz ehtiyatlarının həcminə görə birinci yeri tutur – 44,65 trln. kubmetr, 27,8 trln. kubmetrlə İran ikinci, 25,6 trln. kubmetrlə Qətər üçüncü yerdədir.trend

SEÇİLMİŞ XƏBƏRLƏR

Çox oxunanlar