"Kimsə bizdən siyasət dəyişikliyi gözləməsin" Əli Babacan: "Bu günə qədər Qafqazdakı problemlər haqqında nə demişiksə, eyni məsələləri deməyə davam edəcəyik" "BMT Baş Assambleyasında bizə verilən 151 səs əslində Türkiyənin dünyada bəyənilən ölkə olduğunu təsdiqlədi" Türkiyə xarici işlər naziri Əli Babacan ölkənin xarici siyasəti ilə bağlı NTV kanalının suallarını cavablandırıb. Türkiyənin 2009-2010-cu illərdə BMT Təhlükəsizlik Şurasına üzvlüyü ilə bağlı danışan nazir 2003-cü ilin iyul ayında BMT TŞ-ya üzvlük niyyətini elan etdiklərini və 5 ilə yaxındır ki, bu çərçivədə fəaliyyət gördüklərini xatırladıb. Əli Babacan Türkiyənin müvəqqəti üzvlüyə seçilməsində üç önəmli faktorun mühüm rol oynadığını deyib. O, Türkiyənin həyata keçirdiyi siyasi və iqtisadi islahatları, təsirli xarici siyasəti və bütün bunların yaxşı bir şəkildə bütün dünyaya tanıdıldığına işarə vurub. Səsvermənin gizli keçirdiyinə işarə vuran nazir deyib ki, ölkələr nə qədər vəd versələr də gizli səsvermənin nəticəsini bilmək çox çətindir. Göytürk İslandiyanı misal göstərən Əli Babacan vurğulayıb ki, əgər bu ölkəyə verilən vədlərin hamısı səslərə dönsəydi, onda İslandiya BMT TŞ-yə üzv seçilərdi. "Ölkələr və insanlar həqiqətən razılq verir. Onların könüllərini qazana bilmişikmi? Bu uğurumuzdakı təməl faktordur"- deyən nazir daimi təmsilçiliklər nzdində gərgin kampaniya apardıqlarını, ölkənin tanıtımının faydalı olduğunu söyləyib. "Türkiyənin BMT TŞ-dəki prioritetləri nə olacaq" sualını cavablandıran Əli Babacan deyib: "BMT TŞ-nin müzakirəsinə çıxarılan məsələlərin bir hissəsi əslində Türkiyənin xarici siyasət xəttində gərgin iş gördüyü, yaxından izlədiyi proseslərdir. Xarici siyasətdə bölgəsəl məsələlər daha çox diqqət yetirdiyimiz proseslərdir". Afrika və Latın Amerikasının Türkiyənin yeni fəallaşdığı coğrafiyalar olduğunu söyləyən Əli Babacan Şimali Afrika ilə bağlı problem yaşanmadığını, ancaq Sahraaltı (Saxara səhrası) Afrika ilə əlaqədar yeni məsələlərin olacağını açıqlayıb. Türkiyəni BMT TŞ-yə üzvlüyünün bölgəsəl problemlərə təsiri haqqında danışan xarici işlər naziri 2009-cu ilin yanvarın 1-dən vəzifənin icrasına başlayacaqlarını, amma noyabr ayının 15-dən toplantıları izləyəcəklərini açıqlayıb. Bölgəsəl problemlərlə yanaşı, qlobal istiləşmə, qida və enerji böhranı kimi məsələlərin Türkiyənin önünə gələcəyini deyən Babacan Ankara və Nyu-Yorkda qruplar yaratdıqlarını açıqlayıb: "Bu qruplar vəzifələrinin icrasına başladıqdan sonra Türkiyə olaraq 2 illik gərgin bir proqramı reallaşdırmağa başlayacağıq. Bu Türkiyəni artıq qlobal problemlərlə məşğul olan bir ölkə durumuna yüksəldəcək". Türkiyənin BMT-dəki daimi təmsilçisi Baki İlkinin görəvi ilə bağlı suala cavab verən Əli Babacan İlkin təqaüdə çıxdığına görə onun səfir kimi səlahiyyət müddətinin uzadılmasının mümkün olmadığını deyib. Amma İlkin Bakinin dolayısıyla prezidentin başdanışmanı vəzifəsinə təyin olunduğunu, eyni gün isə BMT nəzdində daimi təmsilçi olaraq yenidən səlahiyyət verildiyini bildirib. Babacan yeni bir təyinat olmayacağını deyərək Nyu-Yorkda iki səfirin görəvləndirilməsi haqqında "İndi elə bir şey yoxdur" söyləyib. İslandiyadakı iqtisadi böhranın bu ölkəyə səs verən ölkələrin baxışlarına təsir göstərib-göstərmədiyi sualını cavablandıran Babacan yenə də səsvermənin gizli olduğunu xatırladıb, hansı faktorla ölçmənin çətin olduğunu deyib. "İslandiya iqtisadi böhran nəticəsində bu seçkini qeyb etdi deyə bilmirəm" ifadəsini işlədən Əli Babacan İslandiya və Avstriyanın üzvlük üçün namizədliklərini Türkiyədən öncə irəli sürdüklərini xatırladıb: "BMT Baş Assambleyasında bizə verilən 151 səs əslində Türkiyənin dünyada nə qədər qəbul olunan, bəyənilən ölkə olduğunu təsdiqlədi. Bu Türkiyə üçün böyük uğurdur". Xarici işlər naziri baş nazir Rəcəb Tayyib Ərdoğanın bir neçə aya Nyu-Yorka təşəkür səfərinə gedəcəyini, hazırda bu səfəri hazırladıqlarını söyləyib. Kıbrıs yunanlarının Türkiyənin BMT TŞ-yə müvəqqəti üzv seçilməsindən məmnun qalmadığı xatırladıqda isə Əli Babacan bildirib: "Bizim xarici siyasət xəttimiz var. Xarici siyasətdə bu günə qədər söylədiyimiz məsələlər var, atdığımız addımlar var. Bu xətt BMT TŞ-nin üzvü olduq deyə dəyişməyəcək. Biz bu günə qədər Kıbrıs məsələsində nəyi söylədiksə, Təhlükəsizlik Şurası üzvü kimi də onları söyləyəcəyik. Bu günə qədər Qafqaz problemi, yaxud, Orta Şərqdəki bir çox məsələlər haqqında nə demişiksə, eyni şeyləri yenə deməyə davam edəcəyik. Dolayısıyla, bizim prinsipial mövqeyimiz Təhlükəsizlik Şurasının üzvü kimi də davam edəcək. Bizim özümüzün məsələlərə yanaşmamız çox önəmlidir. Bizə səs verən ölkələrin bir qisminin də Türkiyədən gözləntisi budur. Biz bir sıra məsələlərdə təşəbbüslərldə çıxış edən, müsbət yanaşmalarla çözüm əldə etməyə çalışan ölkəyik. Kimsə bizdən hər hansı sapma, siyasət dəyişikliyi gözləməsin. Amma əvvəllər daha çox maraqlanmadığımz məsələlər də önümüzə gələcək. Latın Amerikada bir ölkədə böhran yaşandığı zaman bununla bağlı konkret mövqe tutmamız gərəkdir. Mövcud, əsas siyasətimiz davam edəcək, amma indiyədək baxmadığımız coğrafiyalarla bağlı yeni addımlar şübhəsiz ki, atılacaq".