QAZLI TÜRKMƏNİSTAN . Bu ölkənin təkcə bir yatağında 7 trilyon kubmetr qaz var

SON XƏBƏRLƏR

QAZLI TÜRKMƏNİSTAN . Bu ölkənin təkcə bir yatağında 7 trilyon kubmetr qaz var

2021.10.20, 07:36

Gunaz.tv

QAZLI TÜRKMƏNİSTAN Bu ölkənin təkcə bir yatağında 7 trilyon kubmetr qaz var

Türkmənistanın nəhəng qaz ehtiyatlarına malik olması aparılan beynəlxalq audit nəticəsində təsdiqlənib. BBC-nin xəbərinə görə, Britaniyanın “Gaffney, Cline & Associates” (GCA) şirkəti aşkar edib ki, təkcə cənubi “Yeloten Osman” qaz yatağında 7 trilyon kubmetr qaz var, 675 milyard kub metr qaz isə “Yaşlar” yatağında mövcuddur. GCA şirkətinin prezidenti Cim Gulliet bu məlumatı Türkmənistan prezidentinə hökumət toplantısında verib. Gulliet deyib ki, cənubi “Yeloten Osman” yatağı artıq öz ehtiyatlarına görə dünyada dördüncü və ya beşinci zəngin qaz yatağı hesab oluna bilər. Türkmənistan prezidenti Qurbanqulu Berdıməhəmmədov deyib ki, bu hesabat ölkənin yanacaq və enerji sektorunda planlaşdırılan layihələrin həyata keçirilməsi üçün kifayət qədər ehtiyatların olduğunu göstərib. “Neft və qaz yataqlarının beynəlxalq auditi mineral ehtiyatların işlənməsi və qaz kəmərlərinin tikilməsi layihələrində iştirak edəcək xarici investorlara lazımi təminatı verəcək”- deyə Berdıməhəmmədov bildirib. “Yeloten Osman” yatağındakı qaz ehtiyatlarını Türkmənistanın bu vaxta qədər ən iri qaz yatağı sayılan “Dövlətabad”la müqayisə edən britaniyalı mütəxəssis deyib ki, yeni ehtiyatlar “Dövlətabad”dakından 5 dəfə artıqdır. Son onillikdə “Dövlətabad” türkmən qazının Rusiyaya nəqlində əsas mənbə olub. Ötən il bu yataqdan alınmış 42 milyard kubmetr qaz Rusiyaya ixrac olunub. Öz qazını əsasən Rusiyanın “Qazprom” monopoliyasına satan Türkmənistanın qaz ixracı barədə ambisiyalı planları var. Rusiyaya qaz daşıyan kəmərdən başqa hazırda Türkmənistanda Çin qaz kəməri tikilir. Digər 3 kəmər isə hələ layihə mərhələsindədir. Bunlar Rusiyaya qaz daşıyacaq Xəzər kəməri, Avropanın layihəsi olan “Transxəzər” və türkmən qazını Pakistan və Hindistana nəql edəcək “Transəfqan” qaz kəməri layihələridir. Qeyd edək ki, indiyədək bir çox Qərb analitikləri Türkmənistanın nəhəng qaz ehtiyatlarına malik olmasına şübhə edirdi. Bu baxımdan ekspertlər qeyd edirdilər ki, Aşqabad öz qazının əsas hissəsini Rusiyaya satdığı bir vaxtda “Nabukko” kəmərinə ildə 30 milyard qaz verə bilməyəcək. Digər tərəfdən, Türkmənistan Çinə çəkiləcək qaz kəməri ilə ildə 30 milyard kubmetr qaz nəql etməyə vəd verib.

GUNAZ.TV

SON XƏBƏRLƏR