Contact Us

SON XƏBƏRLƏR

Gürcülər Moskva, Peterburq və Soçidə partlayışlar hazırlayır

2021.10.20, 07:36
Gürcülər Moskva, Peterburq və Soçidə partlayışlar hazırlayır

Gunaz.tv
plan-terror.jpg “İzvestiya” qəzeti sensasion məqalə ilə çıxış edib Gürcü döyüşçüləri Moskva, Peterburq və Soçi şəhərlərində iri terror aktları hazırlayırlar. Lent.az-ın məlumatına görə, Rusiyanın “İzvestiya” qəzeti radikal gürcü qruplaşmasının iri şəhərlərin mərkəzi küçələrində insanları kütləvi şəkildə güllələməyə hazırlaşdığını iddia edib. Qəzet yazır ki, bunu bütün milis şöbələrinə göndərilən teleqramlar sübut edir. Guya ki, Rusiyanın Abxaziya və Cənubi Osetiyanı işğal etməsi ilə barışa bilməyən Gürcüstan diversiya fəaliyyətinə keçmək qərarına gəlib. Moskva şəhərinin Şərq dairəsinin Daxili İşlər İdarəsinin mütəşəkkil cinayətkarlıq şöbəsi “Gürcüstanın vətənpərvərləri” qruplaşmasının bir sıra terror aktları hazırladığını iddia edir. Bununla bağlı Moskvanın bütün milis şöbələrinə teleqramlar göndərilib. Bundan əlavə, Sankt-Peterburq və Soçi şəhərlərində yaşayış evlərinin partladılmasına hazırlıq görüldüyü də iddia olunur. “İzvestiya” yazır ki, araşdırma zamanı “Gürcüstanın vətənpərvərləri” qruplaşması barədə informasiya tapmaq mümkün olmayıb. Qəzet bunu nəzərə alaraq qeyd edir ki, qruplaşmanın avqust hadisələrindən sonra yaradıldığı və ya bu ad altında Gürcüstan xüsusi xidmət orqanlarının fəaliyyət göstərdiyini istisna etmək olmaz. Qruplaşmanın terror aktlarında kamikadzelərdən istifadə edəcəyi bildirilir. Bundan əlavə, gürcülərin yeni üsula keçməyə hazırlaşdıqları vurğulanır – mərkəzi küçələrdə insanlar kütləvi şəkildə güllələnəcəklər. Moskva Daxili İşlər Baş İdarəsindən hazırlanan terror aktları ilə bağlı informasiyanı təsdiq etməyiblər. Lakin milis əməkdaşları paytaxtda iri miqyaslı antiterror əməliyyatının keçirildiyini təsdiqləyiblər: “Binaların zirzəmiləri və damları ciddi şəkildə yoxlanılır. Yol polisi nəqliyyatı və terror aktında şübhəli bilinin bütün şəxsləri yoxlayır”. LENT.AZ

SEÇİLMİŞ XƏBƏRLƏR

Çox oxunanlar