TÜRKİYƏ BMT-də KRİTİK SƏSVERMƏYƏ HAZIRLAŞIR

SON XƏBƏRLƏR

TÜRKİYƏ BMT-də KRİTİK SƏSVERMƏYƏ HAZIRLAŞIR

2021.10.20, 07:36

Gunaz.tv

TÜRKİYƏ BMT-də KRİTİK SƏSVERMƏYƏ HAZIRLAŞIR XİN başçısı Əli Babacan Təhlükəsizlik Şurasına seçkilər ərəfəsində Nyu-Yorka gedib

Türkiyə BMT Təhlükəsizlik Şurasında kritik səsverməyə hazırlaşır. “CNN-Türk” kanalının xəbərinə görə, oktyabrın 18-də BMT Baş Assambleyasında təşkilatın Təhlükəsizlik Şurasına bir il müddətinə müvəqqəti üzvlərin seçilməsi üçün səsvermə olacaq. Türkiyə Təhlükəsizlik Şurasına üzv olmaq üçün namizədliyini irəli sürən ölkələrdən biridir. Baş Assambleyanın sessiyası zamanı Türkiyə prezidenti və xarici işlər naziri Nyu-Yorkda bu yöndə fəal diplomatiya aparıb. Dünən isə xarici işlər naziri Əli Babacan səsvermə ərəfəsində Türkiyəyə dəstək təmin etmək üçün Nyu-Yorka yola düşüb. Onun 4 gün ərzində BMT üzvü olan ölkələrin səsvermə zamanı səs verəcək nümayəndələri ilə görüşəcəyi gözlənilir. Təhlükəsizlik Şurasına üzv olmaq üçün Türkiyənin BMT-yə üzv olan 192 ölkənin azı 128-nin dəstəyinə ehtiyacı var. Bildirilir ki, bu dəfə Türkiyənin üzv olmaq şansları pis deyil. Belə ki, bir sıra Afrika və Sakit okean hövzəsi ölkələri Türkiyənin Təhlükəsizlik Şurasına üzvlüyünü dəstəkləməyə hazırlaşır. Əli Babacan Nyu-Yorka yola düşərkən deyib ki, Türkiyə bu səsverməyə böyük önəm verir. O, bildirib ki, Təhlükəsizlik Şurasına müvəqqəti üzvlər 2 ildən bir səsvermə yolu ilə müəyyən edilir. Türkiyə isə yalnız 1961-ci ildə bu quruma cəmi 1 il üzv olub: “Türkiyə 47 ildir BMT Təhlükəsizlik Şurasında təmsil edilmir. Ancaq Türkiyənin mövqeyi və dünyada yeritdiyi siyasət bu üzvlüyün vaxtının çatdığını göstərir. Ona görə də biz səsvermədən istədiyimiz nəticəni əldə edə bilmək üçün bütün mümkün səyləri göstərəcəyik”. Xatırladaq ki, BMT Təhlükəsizlik Şurasında boşalmış iki yer uğrunda Türkiyə ilə yanaşı Avstriya və İslandiya da mübarizə aparır. Səsvermə gizli olacaq. F.MƏMMƏDOV musavat

GUNAZ.TV

SON XƏBƏRLƏR